Si t’i pastroni nga myku qoshet e vaskës që janë të vështira për t’u arritur

Shfaqja e mykut në skajet e vaskës dhe në qoshet e mureve, është pothuajse një dukuri standarde, ndërsa topat e pambukut mund t’ju ndihmojnë t’i pastroni sipërfaqet e vështira për t’u arritur

Jo vetëm që qoshet e vaskës mund të ndoten pas dusheve të përsëritura, ato gjithashtu mund ta tërheqin mykun. Pasi të krijohet kjo, mund të bëhet edhe më e vështirë për t’u pastruar.

Mjetet e rregullta të pastrimit, të tilla si furçat dhe sfungjerët, nuk do të funksionojnë aq efektivisht në qoshet katrore të vaskës, sepse ato nuk mund t’i arrijnë të gjitha zonat.

Spërkatja me preparate pastrimi e vaskës dhe pllakave rreth qosheve të vaskës, do të jetë disi efektive, por pjesa më e madhe e preparatit pastrues thjesht do të rrëshqasë.

Çelësi për heqjen e mykut nga këto zona, është duke e mbajtur preparatin në sipërfaqe sa më gjatë që të jetë e mundur. Më pas topat e pambukut bëhen një aksesor shumë i përshtatshëm i banjës, transmeton Telegrafi.

Lexo po ashtu Tri truke për të zbardhur produktet PVC të zverdhura në shtëpi

Thjesht vendosni topa pambuku në qoshet e mprehta të murit të vaskës ku takohet me pllakën. Më pas spërkatini ato shumë me preparat pastrues dushi. Një pastrues me bazë zbardhuesi funksionon më së miri për heqjen e mykut. Lëreni të qëndrojë për disa orë. Është ideale t’i lini gjatë natës.

Të nesërmen në mëngjes, vishni doreza, hiqni leshin e pambukut dhe më pas shpërlajeni me ujë të ngrohtë. Sipërfaqet duhet të jenë të pastra. Nëse jo, përsëriteni procesin. Këtë mund ta bëni rregullisht, rreth një herë në muaj, për ta hequr mykun në banjë.

Lexo po ashtu Një produkt befasues mund t’ju ndihmojë ta pastroni kokën e dushit

Ndonjëherë myku shtrihet përtej zonës së vogël ku pllakat fillojnë nga skajet e vaskës. Topat e pambukut nuk do të funksionojnë në ato raste, por këtë mund ta bëjë letra higjienike. Edhe pse jo aq absorbuese sa janë topat e pambukut, letra higjienike mund të manipulohet për t’iu përshtatur pothuajse çdo forme. /Telegrafi/