‘Street Party Prishtina 2023’ vjen më 3 shtator te Kafet e Vogla

Street Party Prishtina 2023, edicioni i katërt, po vjen me 3 shtator 2023, tek Kafet e Vogla, rruga, “Fehmi Agani”, me shumë muzikë, art, inovacion e dashni!

Tema e këtij edicioni është, “Për qytetin tonë!” si festë e krijimtarisë, artit e muzikës të Prishtinës.

Të gjithë artistët e inovatorët që kanë dëshirë me qenë pjesë të këtij edicioni, dhe dëshirojnë ta promovojnë punën dhe krijimtarinë e tyre, mund të aplikojnë duke klikuar KËTU!

Street Party Prishtina do të ofrojë kënd falas për artistë të rinj (piktorë, skulptorë, fotografë, punime artizanale, instalacione, arte abstrakte, etj) dhe inovatorë, ku gjatë eventit mund të promovojnë, të shesin produktet e tyre.

Artistët dhe inovatorët e përzgjedhur do ta kenë secili e secila nga një kënd të veçantë ku do ta prezantojnë punën e tyre, kënd ky që do të shërbejë si një platformë për promovimin e krijimtarisë së tyre dhe mundësi për bashkëpunime potenciale.

Afati për aplikim është deri me 25 gusht 2023, në ora 23:59.

Street Party Prishtina mbështetet nga Komuna e Prishtinës dhe organizohet nga NXT LVL Entertainment, në bashkëpunim me Win Music Freedom.

Projekti Street Party Prishtina edicioni IV ka për qëllim promovimin e muzikës, artit dhe inovacionit për audiencën vendore dhe ndërkombëtarë ku ndikon në ngritje të kapitalit kulturore në shoqëri e gjithashtu krijim të kontakteve të reja ndermjet artisteve dhe inovatoreve për bashkëpunime potenciale, dhe në aspektin turistik ku do të promovohen vlera të ndryshme kulturore dhe artistike.