Hovenier në Parkun Arkeologjik të Ulpianës: Ekipi mahnitës po shton faktet dhe po dokumenton trashëgiminë kulturore të Kosovës

Ambasadori amerikan, Jeffrey Hovenier, ka qëndruar sot, për vizitë në Parkun Arkeologjik të Ulpianës.

Hovenier, theksoi se aty një super ekip po punon për të dokumentuar trashëgiminë kulturore të Kosovës.

“Kisha privilegjin të vizitoja Parkun Arkeologjik të Ulpianës sot, ku një ekip mahnitës po shton faktet dhe po dokumenton trashëgiminë kulturore të Kosovës në këtë lokacion të klasit botëror”, shkroi Hovenier në rrjetin social X (ish Twitter), transmeton Telegrafi.

Had the privilege to visit the Ulpiana Archeological Park today where an amazing team is increasing knowledge and documenting Kosovo’s cultural heritage at this world-class site. #Ulpiana pic.twitter.com/wEWYyRYpc6

— Ambassador Jeff Hovenier (@USAmbKosovo) August 12, 2023

Parku Ulpiana gjendet rreth 12 kilometra në jug-lindje të Prishtinës, e pozicionuar në tokat që sot i takojnë fshatrave të komunës së Graçanicës, fshatrave  Llaplesellë dhe lagjes Hajvalia në Prishtinë.

Sektori i dytë i Parkut përfshin ‘Nekropolin Verior’ i cili ishte jashtë mureve fortifikuese të qytetit antik, në të cilin gjendeshin varrezat kryesore, që i përkasin kohës së sundimit romak dhe antikitetit të vonë.

Ndërsa në  sektorin e tretë të Parkut gjendet rruga kryesore që e lidh portën lindore me atë perëndimore.

Në këtë sektor ishte i ndërtuar një kompleks i veçantë banimi me përmasa të mëdha që ngjason me vilë luksoze brenda qytetit antik dhe mendohet se ka qenë selia e kryepeshkopit të Ulpianës.

E gjithë zona ku gjendet  ky Park, është një zonë me mjedis shumë të pastër dhe të mirmbajtur./Telegrafi/