Bordi i AKP-së aprovoi shpërndarjen e përkohshme të pjesshme për kreditorët e NSh “Ereniku – Prodhimtaria Primare”- Gjakovë

Bordi i Drejtorëve i Agjencisë Kosovare të Privatizimit ka aprovuar shpërndarjen e përkohshme të pjesshme për kreditorët e PEJ029 NSh “Ereniku – Prodhimtaria Primare”- Gjakovë.

Kjo u bë në një mbledhje të mbajtur këtë të martë, ku u shqyrtua agjenda me 9-të pika dhe 29 nënpika.

Bordi po ashtu është njoftuar me Raportin Përfundimtar të mbylljes së Procesit të Likuidimit së NSH KB Fryti –Babush i Muhaxherëve-Lipjan, i cili do të dërgohet në Dhomë të Posaçme të Gjykatës Supreme për mbyllje të ndërmarrjes.

Në këtë mbledhje pas shqyrtimit dhe diskutimit të hollësishëm, Bordi i Drejtorëve ka miratuar edhe Raportin e dytë 3 mujor 2023 për Komisionin Parlamentar për Ekonomi, Industri, Ndërmarrësi dhe Tregti.

Gjithashtu, janë miratuar disa plotësim-ndryshime në Rregulla të tenderit dhe procedura të shitjes. Në vijim Bordi ka aprovuar listën e aseteve për t’u shpallu për shitje përmes Likuidimit SHAL 63 të përbërë nga 40 asete.

“Bordi aprovoi planin e Veprimit për adresimin e rekomandimeve të ZKA për Pasqyrat Financiare të AKP-së dhe Fondeve në mirëbesim për vitin 2022. Gjithashtu u informua lidhur me raportin 6 mujor të Njësisë së Auditimit të Brendshëm, të cilin e aprovoi sipas procedurave si dhe u informua dhe shqyrtoi raportimin e Menaxhmenit të AKP-së lidhur me proceset dhe procedurat e periudhës paraprake mujore, si dhe raportin mujor për NSH Brezovica e cila është nën administrimin direkt”, thuhet në komunikatën për media të AKP-së.

Për më tepër, me qëllim të ngritjes së inkasimit të hyrave nga qiraja Bordi ka lëshuar disa udhëzime për Menaxhmentin për masat që duhet të merren ndaj borxhlinjve, në mënyrë që të krijohet një disiplinë në pagesën e qirave ndaj AKP-së.

“Në vijim është aprovuar Raporti i Komisionit për përcaktimin e statusit për ndërmarrjen SDR 1536, PRN208 Stacioni i Veterinës në Prishtinë, me anë të cilit u konstatua se këto asete bien në pronësi shoqërore. Bordi po ashtu miratoi një (1) raport fillestar për inicim të procedurës për shitje me negocim direkt i cili do t’i nënshtrohet procedurave të tjera të parapara me legjislacion për tu finalizuar shitja sipas raportit përfundimtar i cili do ti paraqitet Bordit për aprovim”. /Telegrafi/