Me performancë të dobët vlerësohet puna e deputetëve të Kuvendit të Kosovës gjatë sesionit pranveror, i cili përfundoi të premten. Ky sezon u veçua kryesisht për mungesat e shumta të deputetëve, gjuhën joparlamentare dhe si asnjëherë më parë, për shpërndarje të grushteve. Monitoruesit e legjislativit e konsiderojnë këtë sesion si katrahurë.
Të premten ishte dita e fundit kur deputetët e Kuvendit të Kosovës iu drejtuan dyerve të këtij institucioni për sesionin pranveror.
Mbrapa lanë një sërë projektligjesh të pavotuara e edhe sherre të shkaktuara brenda seancave parlamentare.
Gjithë punën e Parlamentit për këta muaj e quajnë katrahurë monitoruesit e tij.
Naim Jakaj nga Instituti i Kosovës për Drejtësi tregon disa nga arsyet.
“Përgjithësisht mund të themi që Kuvendi ka pasur performancë të dobët. 54 pika nga viti i kaluar kanë arritur të votohen me vonesë pesëmujore, në anën tjetër kemi pasur legjislacion që është miratuar në kundërshtim me Kushtetutën e Kosovës. Sot i kemi dy ligje që janë dërguar në Gjykatën Kushtetuese”, thotë Jakaj.
E seanca që rezultoi me grushte e tensione mes deputetëve dhe qeveritarëve konsiderohet se shkeli shumëfish rregulloren e Kuvendit.
“Sot kemi një seancë të dërguar në Gjykatën Kushtetuese prej 31 pikave për shkak të procedurës së ndjekur nga ana e kryetarit të Kuvendit. Si IKD konsiderojmë që mund të mos ketë shkelje kushtetuese në këtë seancë, por shkelje nga ana procedurale sipas rregullores së Kuvendit, po kemi”, shton Jakaj.
Mirëpo, të dhënat e monitoruesve nuk duken bindëse për shefen e Grupit Parlamentar të Lëvizjes Vetëvendosje, Mimoza Kusari – Lila.
Sipas saj, sesioni pos që ka qenë i suksesshëm në tërësi, edhe seanca e 13 korrikut ka qenë në rregull ligjërisht.
“Në aspektin ligjor dhe kushtetues nëse dëshiron të rrëzohet rendi kushtetues në Kosovë, rrëzohet ajo seancë. Pasi nuk mund të rrëzohet ose të konsiderohet e jashtëligjshme një seancë e cila ka 61 deputetë gjatë gjithë kohës, është transmetuar publikisht dhe ka qenë në përputhje me të gjitha normat dhe rregulloren e Kuvendit”, thotë Kusari – Lila.
Sipas Institutit për Drejtësi, nga totali i seancave të rregullta, 41 për qind e tyre u përcollën me më së paku dy vazhdime dhe më së shumti me katër vazhdime.
Këto vazhdime të seancave morën epilog përfundimtar vetëm dy ditë para përfundimit të sesionit pranveror, më 27 korrik. /RTVDukagjini/
Promo
Reklamo këtuLufta Prigozhin - Putin
Më shumëDeputetja Fjolla Ujkani: 110 mijë eurot e ndara nga Komuna e Prishtinës janë për operacionin e ardhshëm të Elzës
Avancimi i Kosovës në NATO, Lancaster: Aleatët duhet të konsultohen
Protesta e serbëve afër pikëkalimit në Jarinjë, monitorim edhe me helikopterë
Kamerat e sigurisë me inteligjencë të lartë artificiale, nis vendosja e tyre në Prishtinë
Ministri shqiptar i Mbrojtjes prezanton makinën e parë të blinduar ushtarake “Made in Albania”
Ceremonia përmbyllëse e regjistrimit të popullsisë, Kurti: Kemi mbledhur të dhëna të rëndësishme që ndihmojnë në planifikimin e së ardhshmes
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Arta Nitaj është shtatzënë në pritje të fëmijës së parë
"Ka qenë një ndër momentet më të vështira për ne", babai i Meritonit flet për herë të parë për Ilnisën dhe nominimin e fortë me Eglën
"Nuk do të toleroj dikë që të përdorë emrin tim" - Ter Stegen shpërthen dhe mohon të ketë folur me Laportan për Xavin
Anomali në gravitetin hapësinor - a është në rrezik teoria e Ajnshtajnit?
Qeveria s’heq dorë nga operacionet në veri, opozita i kërkon koordinim me aleatët
Ukrainasit shkatërrojnë sistemin raketor rus që vlen 800 milionë dollarë