LAJMI I FUNDIT:

Lëndohet një person në aksidentin mes dy veturave në autostradën “Arbën Xhaferi”

Lëndohet një person në aksidentin mes dy veturave në autostradën “Arbën Xhaferi”

Policia e Kosovës ka konfirmuar për Telegrafin se në aksidentin e ndodhur sot në autostradën për Shkup, është lënduar një person.

Zëdhënësi i policisë, Baki Kelani ka thënë se në aksident kanë qenë të përfshira dy vetura me targa të Maqedonisë së Veriut.

“Me datën 27.07.2023 në orët e paradites në autostradën “Arbën Xhaferi”, Hani i Elezit -Kaçanik ,ka ndodhur aksident trafiku me lëndime trupore. Në këtë aksident janë përfshirë dy automjete me tabela të Maqedonisë, ku si pasoj e aksidentit një person ka pësuar lëndime trupore. Rasti është trajtuar nga njësitet policore”, ka thënë Kelani.

Aksident mes dy vetura në autostradën për Shkup
Lexo po ashtu Aksident mes dy vetura në autostradën për Shkup

Policia e Kosovës ka apeluar tek të gjithë pjesëmarrësit në trafik, që të kenë kujdes të shtuar dhe të respektojnë rregullat e trafikut, në mënyrë që të parandalohen aksidentet.

Telegrafi ka raportuar më herët lidhur me këtë aksident. /Telegrafi/