Pressura është koloni nomade artistësh, dedikuar fotografisë sociale. Cak ka të gjitha trevat shqiptare, por ka synime shumë më të gjëra, duke kërkuar të bëhet një lëvizje e mirëfilltë artistike dhe etike. Thirrja për pjesëmarrje ka filluar më 23 qershor, ndërsa mbyllet më 15 korrik 2023.
“Pressura zbatohet me mbështetjen e projektit rajonal Smart Balkans – Shoqëria Civile për vlera të përbashkëta në Ballkanin Perëndimor dhe do të krijojë një ambient jo vetëm me karakter formativ, por edhe të favorizojë shkëmbimin kulturor dhe profesional mes fotografëve, të forcojë shpirtin kritik të tyre, të ndihmojë këtë klasë profesionistësh të orientohen drejt fotografisë sociale – si sensibilitet artistik dhe një qëndrim drejt realitetit historik social bashkëkohor”, thotë kuratori Elton Koritari.
Koritari punon prej vitesh në industrinë kreative duke bërë projekte arti, duke drejtuar fushata komunikimi, kryesisht të fokusuara drejt komuniteteve, aktivizimit social dhe edukimit vizual dhe natyrisht duke organizuar dhe kuruar evente, takime, punëtori dhe ekspozita arti.
Pressura e nisi rrugëtimin e saj nga Kosova, ku u mbajt takimi i parë formativ në drejtimin e Burim Myftiut, e më tej në Maqedoninë e Veriut nën drejtimin e Osman Demirit dhe Galerise “Kult”. Në takimet e para ishte edhe profesori i Universitetit të Arteve, Ardian Isufi, por edhe ligjërues të tjerë nga vendi dhe jashtë.
“Fotogazetaria shqiptare ka qenë ndër shprehitë artistike më të nënshtruara dhe përdorura nga pushteti diktatorial dhe pothuaj vetëm shprehi e propagandës së saj. Më tej, ky sektor i gazetarisë, por edhe i artit shqiptar, ka vuajtur dhe vazhdon të vuajë izolim të thelle ndaj botës perëndimore, në nivele të shkëmbimit të ideve, eksperiencës, praktikës etj. Nevoja e palëve të interesuara për këtë projekt – konkretisht fotogazetarët lokalë – është të zhvillojnë premisat për krijimin e një fotogazetarie të prirë jo vetëm drejt lajmit, por drejt kontekstualizimit të tij dhe analizës autoriale. Në këtë prizëm, organizimi i Festivalit Fokus Award, në edicionin e tij të 14-të këtë vit nxori në pah nevojën e organizimit të një aktiviteti më të thellë drejt fotografisë sociale, gjë që solli lindjen e projektit nga Qendra Albania Fokus dhe të organizatorëve vetë festivalit, me në krye drejtorin – fotografin Arben Alliaj”, thotë Koritari.
Ekspozita synon t’i tregojë publikut lokal që fotografia mund të kthehet në një forme shprehëse e fuqishme e realitetit social dhe një katalizator i debatit publik, nëpërmjet historive që tregojnë konditat humane, nevojat, dramat, por edhe kompleksitetin e mënyrës së jetesës në këto treva.
“Në këtë prizëm, kjo ekspozitë nuk i kushtohet vetëm fotografëve apo skenës së artit, por të gjithë publikut dhe sidomos hapësirës së mendimit të lirë e të pavarur”, shton Koritari.
Në këtë projekt do të jenë gjashtë artistë rezidentë dhe disa artistë të tjerë të ftuar specialë. “Pjesëmarrja e fotografëve presupozon rrugëtim të përbashkët mes tyre, organizatorëve, ligjëruesve dhe të ftuarve ku rezultatet e pritshme të kësaj ndërhyrje publike, me karakter të thellë artistik, mund të shihen domozdoshmërisht në frenimin e shtrembërimit të vazhdueshëm të informacionit dhe kthimin e fotografisë në një burim të besueshëm informacioni në vetvete”.
Ekspozita Pressura do të jetë nomade, si i gjithë aktiviteti. Do të çelet në Tiranë në kuadër të Fokus Award, edicioni i 14-të i cili mbahet në qytetin e Fierit, në muajin shtator 2023, dhe më pas do të vazhdojë rrugëtimin e saj edhe në festivalin Punktum në Maqedoni, në fesivalin Fotoist në Prishtinë e në Festivalin FIOF në Orvieto të Italisë etj. /Korab Basha/Telegrafi/
Promo
Reklamo këtuLufta Prigozhin - Putin
Më shumëNga Rubrika
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Euroactiv: Fillim i ri për dialogun Kosovë-Serbi pas zgjedhjeve europiane?
Von der Layen: Marrëveshja e Prespës duhet të respektohet
“Mysafiri i paftuar në Galatsi”: Mes kritikash dhe akuzash, si u pasqyrua vizita e Ramës në Athinë nga mediat greke
Çka bën Zyra e Kinës në Prishtinë?
Komuna mbyll stacionet e autobusëve, qytetarët dhe ekspertët janë kundër
Mbushet stadiumi në Greqi me shqiptarë, Rama: Jeni bota
Një muaj paraburgim për serbin që mori pjesë në protestat në Zveçan ku u lënduan ushtarët e KFOR-it e policisë
Iu bashkuan edhe 300 anëtarë, Kurti: Po kthehemi, Prizreni po e forcon lidhjen me Vetëvendosjen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron