Nënkryetarët e PDK-së dhe LDK-së bojkotojnë mbledhjen e Kryesisë së Kuvendit

Kryesia e Kuvendi ka mbajtur mbledhjen e radhës, ku në rend dite ishin një varg pikash nga seancat e kaluara, që nuk janë votuar në mungesë të kuorumit.

Kjo mbledhje u bojkotua nga dy nënkryetarët ai i PDK-së dhe LDK-së. I pranishëm në mbledhje ishte vetëm shefi i deputetëve të PDK-së, Abelard Tahiri.

Kështu bëri të ditur shefja e Grupit Parlamentar të LVV-së, Mimoza Kusari-Lila pas mbledhjes.

“Në këtë mbledhje munguan dy nënkryetarët nga PDK dhe LDK “, tha ajo, duke shtuar se do të vazhdojnë me punën e Kuvendin sipas kompetencave. Sot kemi një seancë që është vazhdim i seancave të papërfunduara dhe të enjten seancë të re”, tha Kusari-Lila.

Ajo u pyet edhe për shpërbërje të Kuvendit, derisa tha se për këtë gjë duhen 2/3 e votave të deputetëve.

“Kuvendi për shpërbërje duhet të ketë 2/3 ne nuk shohim që ka telashe në Kuvend përveç atyre që po i krijon opozita. Ne do të vazhdojmë me atë që na lejon rregullorja e Kuvendit dhe Kushtetua. Sesioni pranveror vazhdon punën deri në fund të korrikut”, tha Kusari-Lila. /Telegrafi/