Ava Max pësoi gërvishtje në pjesën e brendshme të syrit pasi u godit nga një fans teksa po performonte në skenë

Momenti kur Ava Max goditet me shuplakë në fytyrë nga një fans teksa performonte në LA – siç tregon këngëtarja se ajo u godit aq fort sa pjesa e brendshme e syrit i është gërvishtur.

Ava Max ka treguar se është goditur me shuplakë në fytyrë nga një fans gjatë performancës në Los Angeles – duke e lënë atë me një gërvishtje në pjesën e brendshme të syrit.

Këngëtarja, 29 vjeçe, u godit në mes të shfaqjes së saj në Los Angeles të martën mbrëma, me pamjet nga incidenti që tregonin se ajo po nxitonte për të vazhduar performancën, shkruan DailyMail.

Në një klip nga ngjarja, Ava shihet duke u rrotulluar pasi një fans e godet në fytyrë, por shpejt vazhdon me rutinën e saj të kërcimit përpara se të dalë nga skena.

Kjo vjen vetëm disa ditë pasi kolegia e saj, artistja tjetër shqiptare Bebe Rexha u godit në fytyrë nga një telefon i hedhur nga një fans teksa ajo po performonte në New York.

Rexha, një artiste e nominuar për Grammy, kishte qenë duke performuar dhe po shkonte në pjesën e përparme të skenës kur pajisja e goditi në fytyrë.

Autoritetet konfirmuan se Malvagna u arrestua dhe u akuzua për sulm në lidhje me incidentin në Manhatan të poshtëm.

Sekonda pas incidentit Rexha ra në gjunjë me kokën ulur, ndërsa anëtarë të shumtë të ekuipazhit në krahë i nxituan në ndihmë para se të dërgohej në spital.

Sipas policisë, Rexha u shtrua në spital dhe pësoi ‘skuqje, ënjtje, mavijosje dhe një çarje në sy dhe dhimbje të konsiderueshme’ si pasojë e goditjes me telefon, sipas policisë.

Malvagna përballet me një vit paraburgim nëse dënohet për akuzat, tha sekretari i shtypit i DA Douglas Cohen, sipas NBC News.

Fansat lajmëruan menjëherë sigurinë për njeriun që dyshohet se hodhi telefonin, i cili më pas u mor nga sigurimi. /Telegrafi/