LAJMI I FUNDIT:

Suedia i bëri thirrje Turqisë që të miratojë kandidaturën për në NATO

Suedia i bëri thirrje Turqisë që të miratojë kandidaturën për në NATO

Ministri i Jashtëm suedez, Tobias Billstrom është i bindur se vendi i tij ka bërë gjithçka për të marrë miratimin e Turqisë për anëtarësimin në NATO.

Billstrom tha sot se Suedia ka përmbushur detyrimet e saj në marrëveshjen e anëtarësimit në NATO me Turqinë dhe se është koha që parlamenti turk të fillojë procesin e ratifikimit për të lejuar Suedinë të anëtarësohet në aleancë.

Turqia dhe Hungaria janë përmbajtur prej kohësh nga miratimi i anëtarësimit të Suedisë në aleancë, duke përmendur përpjekjet e pamjaftueshme në luftën kundër terrorizmit, veçanërisht PKK.


Ky grup terrorist ka marrë mijëra jetë në të gjithë Turqinë për dekada të tëra. Një burrë i akuzuar për përpjekjen për të financuar terrorizmin e PKK u paraqit në një gjykatë suedeze të martën, në rastin e parë të tillë në vendin nordik.

Turqia ka akuzuar Suedinë se strehon “terroristë”, veçanërisht anëtarë të PKK-së dhe i ka kërkuar Stokholmit të ekstradojë dhjetëra njerëz. I akuzuari, 40 vjeç, u arrestua në janar pas kërcënimeve dhe të shtënave me armë para lokalit.

Sipas prokurorisë, personi synonte të zhvaste para dhe t’i përdorte për financimin e PKK. Prokurori pretendoi se burri luajti një rol kyç në aktivitetet e PKK-së në Suedi.

Sipas aktakuzës, e cila citon gjithashtu prova nga shërbimet e inteligjencës franceze dhe gjermane, burri ishte në kontakt me njerëz të përfshirë drejtpërdrejt në financimin e PKK dhe vepronte në emër të grupit.

Suedia shtrëngoi legjislacionin e saj kundër terrorizmit në korrik të vitit të kaluar, duke e bërë më të lehtë ndjekjen penale të aktiviteteve të financimit të terrorizmit. /Telegrafi/

Në trend Botë

Më shumë
Politikani serb, Çedomir Jovanoviq pretendon se është rrahur – nuk ndalë lotët derisa tregon dorën në allçi

Politikani serb, Çedomir Jovanoviq pretendon se është rrahur – nuk ndalë lotët derisa tregon dorën në allçi

Serbia
I dërguari i Trump pauzon planin e paqes në Ukrainë, për të zhvilluar bisedime me aleatët e NATO-s

I dërguari i Trump pauzon planin e paqes në Ukrainë, për të zhvilluar bisedime me aleatët e NATO-s

Evropa
Gjykatësi amerikan urdhëron administratën Trump t'i bindet ndalimit të ngrirjes së shpenzimeve

Gjykatësi amerikan urdhëron administratën Trump t'i bindet ndalimit të ngrirjes së shpenzimeve

Amerika
Mercenari serb vritet në luftimet në Kursk, ish-pjesëtari i ushtrisë serbe e pëson me jetë nga sulmi me dron

Mercenari serb vritet në luftimet në Kursk, ish-pjesëtari i ushtrisë serbe e pëson me jetë nga sulmi me dron

Serbia
Vuçiq thotë se Lista Serbe arriti “fitore të rëndësishme për Serbinë” në zgjedhjet në Kosovë

Vuçiq thotë se Lista Serbe arriti “fitore të rëndësishme për Serbinë” në zgjedhjet në Kosovë

Serbia
Cilat vende mund të preken nga tarifat amerikane të aluminit?

Cilat vende mund të preken nga tarifat amerikane të aluminit?

Amerika
Kalo në kategori