Amanda Bynes arrestohet nga policia mes betejave të vazhdueshme për shëndetin mendor

Amanda Bynes thuhet se është sërish në paraburgim mes betejave të vazhdueshme për shëndetin mendor.

Departamenti i Policisë në Los Angeles vuri në pranga ish-yllin e “Nickelodeon”, 37 vjeçare dhe e çoi për të marrë një vlerësim të shëndetit mendor të shtunën në mëngjes, sipas TMZ.

Një burim nga forcat e rendit tha se ata mbërritën në vendngjarje pasi morën një telefonatë për një grua që ishte në ankth.

Në stacionin e policisë, një njësi mjekësore profesionale thuhet se do të përcaktojë nëse Bynes ka nevojë për trajtim të mëtejshëm.

Lexo po ashtu Aktorja Amanda Bynes vazhdon akoma të qëndrojë në një spital psikiatrik - disa javë pasi u shfaq lakuriq rrugëve të Los Angelesit

Dëshmitarët okularë thanë për TMZ se ylli i “All That” ishte “e qetë gjatë ndërveprimit me policët”.

Kjo është hera e dytë në muajt e fundit që Amanda po përballet me probleme të tilla.

Në mars, ajo u vendos në një vend psikiatrik pasi u gjet duke bredhur rrugëve të Los Angelesit lakuriq.

Thuhet se Bynes thirri vetë 911 dhe u dërgua në një stacion policie aty pranë, ku një ekspert i shëndetit mendor përcaktoi se ajo duhej të vendosej në një stacion 5150.

Më shumë se tre javë pasi u ndalua, Bynes u lirua nga institucioni i shëndetit mendor. /Telegrafi/