LAJMI I FUNDIT:

Dreri hyri brenda shtëpisë së një gruaje në New Jersey, përfundoi më pas në pishinë

Dreri hyri brenda shtëpisë së një gruaje në New Jersey, përfundoi më pas në pishinë

Një dre kishte hyrë në shtëpinë e një gruaje në New Jersey duke shkaktuar kështu panik tek ajo.

Dianne Twersky, 85-vjeçare, tha se ishte në shtëpinë e saj kur dëgjoi një zhurmë që vinte nga kati i poshtëm, transmeton Telegrafi.


“Dëgjova një shpërthim xhami dhe më pas dëgjova se shtëpia po dridhej dhe mendoja se po ndodhte tërmet”, tha ajo.

Gruaja më vonë e zbuloi se një dre kishte hyrë në shtëpinë e saj. Ajo thirri nipin dhe kunatën e saj, të cilët më pas thirrën emergjencën.

Nipi i saj, Marc Twersky, tha se nuk e besoi derisa arriti në shtëpi dhe pa drerin me sytë e tij.

Oficerët e kontrollit të kafshëve hapën derën mbrapa të shtëpisë dhe dreri shpejt doli jashtë dhe përfundoi në pishinë.

Autoriteti i kontrollit të kafshëve nxori drerin nga pishina dhe e lëshuan në pyll. /Telegrafi/