Gjendet 24 vjeçari që u raportua si i zhdukur në Shtime

Policia e Kosovës ka njoftuar se ka gjetur Agon Misini, person ky i cili u raportua si i zhdukur në Shtime.

Policia njofton se ai është gjetur nga Shoqata e Kosovës për Kërkim dhe Shpëtim në rajonin Shtimes dhe sipas mjekësve gjendja e tij shëndetësore është e mirë, transmeton Telegrafi.

“Më datë 02.06. 2023, rreth orës 22:30 policia e stacionit në Shtime kishte pranuar një informacion për një rast të një personi të zhdukur nga Shtimja. Bëhej fjalë për personin, AGON HYSEN MISINI i lindur me 12.12.1999, me banim në rrugën “Tahir Sinani” komuna Shtime. Që nga dita e raportimit, ekipet e policisë në bashkëpunim të ngushtë me familjarët e tij, banorë të zonës, Shoqatën e Kosovës për Kërkim dhe Shpëtim ishin në kërkim të personit të zhdukur”, thuhet në njoftim.

Tutje Policia njofton se “sot reth orës 14:50, i njëjti është gjetur nga Shoqata e Kosovës për Kërkim dhe Shpëtim në rajonin Shtimes, e më pas nga policia fillimisht është dërguar në Qendrën e Mjekësisë Familjare në Shtime, e më pas është dërguar në Qendrën Emergjente në Ferizaj dhe sipas mjekësve gjendja e tij shëndetësore është e mirë”.

Lexo po ashtu Zhduket një 24 vjeçar nga Shtimja, policia kërkon bashkëpunimin e qytetarëve për gjetjen e tij

Për të gjitha veprimet është njoftuar prokurori i rastit nga Prokuroria Themelore në Ferizaj.

“Drejtoria Rajonale Policisë në Ferizaj i falënderon qytetarët për angazhimin, ekipet e policisë nga stacioni i Shtimes, Sektorin Rajonal të Hetimeve, Njësinë e Reagimit të Shpejtë, e në veçanti Shoqatën e Kosovës për Kërkim dhe Shpëtim, të cilët gjetën personin e zhdukur”./Telegrafi/