Mbi tre mijë nënshkrime janë mbledhur nga studentët për peticionin “Mos ma prek Hasan Prishtinën”. Ata kanë dorëzuar këtë peticion në Rektorat, me kërkesën që të mos largohet emri i Hasën Prishtinës nga Universiteti i Prishtinës. Studentët do të presin përgjigje deri në fund të javës, në të kundërtën kanë paralajmëruar edhe masa të tjera në shenjë kundërshtimi.
Përfaqësuesi i grupit të studentëve, Arbër Gecaj, ka thënë se kërkesat për mbledhjen e nënshkrimeve i kanë vendosur në disa njësi akademike.
“Kemi pasur disa hapa që nga momenti që e kemi marrë vesh këtë iniciativë që po jetësohet largimi i emrit të Hasën Prishtinës nga Universiteti i Prishtinës. Ne fillimisht i kemi drejtuar disa shkresa rektoratit, komisionit i cili merret me këtë punë dhe senatit të UP-së, ku i kemi treguar kundërshtimet tonë dhe kemi kërkuar sqarime se pse po duhet të ndërrohet. Sepse ne nuk kemi dalë ashtu menjëherë kundër, ne kemi kërkuar sqarime se pse po ndërrohet. Nuk kemi marrë sqarime, pastaj kemi bërë një aksion simbolik para rektoratit, përsëri nuk kemi pasur asnjë reagim. Kemi paralajmëruar peticionin para se ta mbajmë dhe kemi kërkuar prapë reflektim nga instancat e UP-së që të mos shkojnë me këtë masë, nuk kemi pasur reagim”, ka thënë ai para gazetarëve.
Sipas tij, pas reagimit publik ka mbetur pezull ndryshimi i emrit të Universitetit të Prishtinës.
“Kemi marrë mbi tre mijë nënshkrime që e mbështesin këtë iniciativë. Por çfarë ka qenë më e habitshmja është se një masë e madhe e studentëve, nuk e kanë pasur fare, nuk kanë qenë fare në dijeni që po bëhet ky ndryshim. Kjo tregon që është bërë fshehurazi, është tentuar të bëhet shumë shpejtë, në mënyrë që kur ne ta marrim vesh, të jetë e përfunduar gjithçka. Presim një reflektim nga ana e rektoratit. Ne edhe në shkresën që i kemi bashkuar peticionit, e kemi cekur që në qoftë se nuk ka ndonjë reagim brenda kësaj jave një përgjigje, ne nuk po kërkojmë që përgjigja të na përshtatet neve, nëse nuk ka një të tillë ne nga java e ardhshme do të marrim masa të tjera, përfshirë grevën por edhe bllokimin e rektoratit por edhe njësive të tjera akademike”, shtoi Gecaj pas dorëzimit të peticionit.
Tutje, ai ka thënë se dyshojnë që kjo çështje do të finalizohet gjatë verës, kur studentët nuk do të jenë të pranishëm fizikisht në fakultetet e Universitetit të Prishtinës.
Javë më parë është propozuar largimi i emrit “Hasan Prishtina” nga Universiteti i Prishtinës, përmes ndryshimeve statutore. /kp/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Kurti merr kundërpërgjigje për kritikat ndaj Prokurorisë Speciale
Anëtarësimi i Kosovës në KiE, cilat janë vendet skeptike që duan fillimisht asociacionin?
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Konkursi i dyshimtë i Policisë, IPK: Do t’i verifikojmë informatat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City