LAJMI I FUNDIT:

Aksident me vdekje në Shkodër, humb jetën 28-vjeçari

Aksident me vdekje në Shkodër, humb jetën 28-vjeçari

Një aksident me vdekje ka ndodhur mbrëmjen e djeshme në vendin e quajtur “Muri i kalasë”, në lagjen “Liria”, në qytetin e Shkodrës.

Policia bën me dije se një 28-vjeçar me inicialet SH.B., ka humbur jetën, pasi automjeti me të cilin lëvizte ka dalë nga rruga dhe ka përfunduar jashtë saj.

Grupet hetimor dhe policia po vijojnë punën për dokumentimin ligjor të rrethanave të plota të aksidentit.

“Mbrëmjen e djeshme, në vendin e quajtur “Muri i kalasë”, në lagjen “Liria”, shtetasi Sh. B., 28 vjeç, banues në lagjen “Liria”, duke drejtuar automjetin tip “Dayang”, ka humbur kontrollin mbi drejtimin e automjetit dhe për pasojë automjeti ka dalë nga rruga. Për shkak të dëmtimeve të marra nga ky aksident, 28-vjeçari ka humbur jetën”, njofton policia. /Telegrafi/