Liria mposht Ulpianën, fiton të drejtën për barazhin e Superligës

Liria ka shënuar fitore ndaj Ulpianës me rezultat 3-1 në barazhin e Ligës së Parë, duke fituar të drejtën të luajë në finalen e madhe për një vend në Superligën e Kosovës.

Ky ballafaqim i zhvillua në stadiumin “18 Qershori” në Klinë, një terren neutral për të dyja skuadrat që gjatë kampionatit kishin dal të dytat në grupet e tyre.

Liria ka kaluar në epërsi që në start, kur në minutën e pestë Edmond Likaj shënoi nga afërsia, me ndihmën e një devijimi nga mbrojtja e Ulpianës.

Pak pa u mbyllur pjesa e parë Petrus Megameno e dyfishoi epërsinë e Lirisë (2-0).

Prizrenasit nuk u ndalën as në pjesën e dytë, dukë shënuar sërish, kësaj radhe me Diellor Besenin për 3-0.

Ulpiana arriti vetëm ta ngushtojë rezultatin por pa e pasur forcën të kthehet në lojë deri në fund.

Gentian Emini shënoi nga afërsia në minutën e 88-të për 3-1, që ishte edhe goli i fundit në këtë ballafaqim.

Në barazhin e Superligës së Kosovës, Liria do të luajë kundër skuadrës së tetë në renditjen e elitës së futbollit kosovar.

Aktualisht ajo pozitë mbahet nga Ferizaj që ka 38 pikë. /Telegrafi/