Tërmet me magnitudë 7.8 godet Paqësorin Jugor – paralajmërohet cunami në Vanuatu, Fixhi dhe Kiribati

Një tërmet me magnitudë 7.8 ballësh të Rihterit goditi Paqësorin Jugor, deklaroi Shërbimi Gjeologjik i SHBA (USGS), duke shkaktuar një paralajmërim për cunami në Vanuatu, Fixhi dhe Kiribati.

Qendra Kombëtare e Paralajmërimit të Tsunamit lëshoi një alarm për cunami në brigjet që ndodhen brenda 1000 kilometrave nga epiqendra, e cila shtrihej midis Fixhit, Vanuatu dhe Kaledonisë së Re.

Agjencia e Menaxhimit të Emergjencave të Hawait njoftoi përmes Twitterit se aktualisht nuk kishte asnjë kërcënim për një cunami për Hawaiin.

NO tsunami threat to Hawai'i is expected from the 7.7 magnitude earthquake detected at 4:57 p.m. HST southeast of the Loyalty Islands. There MAY be tsunami waves affecting coasts within about 600 miles of the epicenter, possibly including Vanuatu, Fiji and New Caledonia. pic.twitter.com/Nr7EK6xWSe

— Hawaii EMA (@Hawaii_EMA) May 19, 2023

Valët e cunamit që arrijnë deri në 1 metër janë të mundshme përgjatë disa brigjeve të Vanuatu, sipas Qendrës Kombëtare të Paralajmërimit të Tsunamit në SHBA, duke ulur një vlerësim të mëparshëm që thoshte se valët mund të jenë tre metra të larta.

Valë më të vogla nën 0.3 metra mund të priten në Fixhi, Kiribati dhe Ishujt e largët Kermadec të Zelandës së Re, shtoi qendra paralajmëruese.

Tërmeti kishte një thellësi prej 38 kilometrash, njoftoi USGS, raporton cnn.

Agjencia Kombëtare e Menaxhimit të Emergjencave të Zelandës së Re shkroi në Twitter se po vlerëson nëse tërmeti “paraqet ndonjë kërcënim për cunami për Zelandën e Re”.

Më herët u raportua se tërmeti ishte me magnitudë 7.7, por që atëherë është rishikuar.

Paqësori i Jugut është një nga zonat sizmikisht më aktive të botës, sepse për shkak të shkallëve të larta të konvergjencës së pllakave tektonike të Australisë dhe Paqësorit pasi ato vazhdimisht shtyhen drejt njëra-tjetrës. /Telegrafi/