Vajza e Mick Jagger, Jade arrestohet në Ibiza pasi dyshohet se sulmoi oficerët e policisë

Jade Jagger akuzohet se ishte e dehur dhe dyshohet se ka sulmuar disa oficerë të policisë kombëtare në Ibiza, Spanjë.

Vajza 51-vjeçare e yllit të ‘rock’-ut Mick Jagger u arrestua të mërkurën pasi dyshohet se u bë “shumë agresive dhe e dhunshme” me oficerët kur ata u përpoqën të ndërmjetësonin një zënkë të supozuar në të cilën ajo ishte përfshirë në një restorant, sipas një medie lokale spanjolle.

Jade dhe një shoqëruesi i saj thuhet se ishin nën ndikimin e alkoolit ose “një lloj lënde narkotike”.

Përveç debatit me policinë, stilistja britanike e bizhuterive dhe shoku i saj hynë në një mosmarrëveshje me stafin e restorantit, ku kjo e fundit dyshohet se “i bërtiste, i kërcënonte dhe i ofendonte”, shkruan PageSix.

Kur autoritetet mbërritën, shoqëruesi mashkull i Jade thuhet se “u hodh” mbi policët – duke përfshirë një oficere policie të cilën ai dyshohet se “e shtyu dhe e gërvishti në të gjithë trupin e saj”.

Jade, ndërkohë, dyshohet se u dëgjua duke bërtitur “polici budallaqe” dhe komente të tjera të vrazhda.

Është e paqartë nëse ajo është ende në paraburgimin e policëve, por mediat spanjolle thonë se ajo pritet të “sillet para drejtësisë” gjatë të enjtes.

Shoku i ish-modeles thuhet se u dërgua në spital pasi ata mbërritën në komisariat, pasi ai ishte “aq i mërzitur dhe nervoz” për shkak të substancave që dyshohet se përdorte. Burri ishte gjithashtu i ashpër me stafin e spitalit.

Identiteti i tij nuk u zbulua, por Jade u pa së fundmi me një të dashur të ri të përfolur – i cili besohet të quhet Anthony Hinkson.

Ajo u pa duke ecur në rrugët e Londrës duke mbajtur dorën e Barbadianit teksa dilnin nga një dyqan të brendshmesh në prill.

Jade ishte martuar më parë me DJ Adrian Fillary, por ata u ndanë në vitin 2021 pas nëntë vitesh martesë. Në mars, nëna e dy fëmijëve njoftoi në Instagram se po linte biznesin e saj të bizhuterive.

“Sot është dita e parë që vendosa të ndaloj së punuari në bizhuteri, mendoj se do të sjellë dritë të re dashuri të re dhe mundësi të reja faleminderit për të gjithë ata që më mbështetën” shkroi ajo në mbishkrimin më 20 mars.

Jade është një nga tetë fëmijët e Mick. Ajo është fëmija i tij i vetëm me ish-bashkëshorten Bianca Jagger.

Frontmeni i “Rolling Stones” ka gjithashtu vajzën Karis, 52 vjeç, me aktoren Marsha Hunt, vajzat Elizabeth, 39 vjeçe, dhe Georgia May, 31, dhe djemtë James, 37, dhe Gabriel, 25, me ish-bashkëshorten Jerri Hall, djali Lucas, 24 vjeç, me modelen Luciana Morad Gimenez dhe djali Deveraux, 6 vjeç, me të dashurën Melanie Hamrick. /Telegrafi/