Fansat të neveritur nga dhëmbët ngjyrë kafe dhe ‘të kalbur’ të Johnny Deppit në paraqitjen e tij në Festivalin e Filmit në Kanë

Johnny Depp ishte në qendër të vëmendjes në Festivalin e Filmit në Kanë – por nuk ishte vetëm performanca e tij në “Jeanne du Barry” që i bëri njerëzit të flisnin.

Fotot e aktorit kontrovers duke ecur në tapetin e kuq të martën pushtuan shpejt internetin, me shumë fansa të fokusuar tek dhëmbët e tij të “kalbur”.

“Dhëmbët e Johnny Depp fjalë për fjalë po kalben”, ka shkruar një fans përkrah fotove të aktorit, shkruan PageSix.

“Pse duhet të shoh fotografi nga afër të dhëmbëve të Johnny Depp kundër vullnetit tim”, pyeti një tjetër.

Edhe pse përdoruesit e Twitter nuk ishin të emocionuar nga paraqitja e Depp në festivalin e filmit, pjesëmarrësit nuk mund të ngopeshin prej tij.

Pas premierës së dramës së tij biografike franceze, aktori mori një ovacion prej shtatë minutash.

Sipas Variety, Depp i mbajti lotët ndërsa të pranishmit shpërthyen në brohoritje të gjata për performancën e tij si Mbreti Louis XV.

Megjithatë, jo të gjithë ishin aq të kënaqur me praninë e Depp në festivalin francez.

Aktori i “Pirates of the Caribbean” ka mbetur jashtë syve të publikut që kur fitoi gjyqin e tij për shpifje kundër ish-bashkëshortes Amber Heard, e cila e akuzoi atë për abuzim.

Mikesha e vjetër i Heardit, gazetarja Eve Barlow, protestoi për përfshirjen e tij në festival, duke thënë se organizatorët “po mbështesin përdhunuesit dhe abuzuesit”.

Fatmirësisht për Barlow, Depp thotë se nuk ka ndërmend të kthehet në Hollywood pasi u përjashtua në mes të betejës së tij ligjore. /Telegrafi/