Serbi nga Kosova, Dragan Nikoliq, do të mbahet edhe për 30 ditë në paraburgim në Beograd.
Kështu ka bërë të ditur avokati i tij Ivan Niniq, sipas të cilit, Dragan Nikoliq, nga Leposaviqi, edhe 30 ditë do të qëndrojë në paraburgim në Burgun Qendror në Beograd, përcjell Telegrafi.
Ai është arrestuar nën akuzën e “komplotit kundër rendit kushtetues dhe thirrjes për ndryshim të dhunshëm të rendit kushtetues të Serbisë”.
“Nuk ka drejtësi as mëshirë nga Vuçiqi për serbët nga Kosova”, ka shkruar fillimisht avokati.
“Dragan Nikoliq, nga Leposaviqi, edhe 30 ditë qëndron në paraburgim në Burgun Qendror në Beograd, nën akuzën e komplotit kundër rendit kushtetues dhe thirrjes për ndryshim të dhunshëm të rendit kushtetues të Serbisë!”, ka shkruar ai në Twitter.
Siç kujton avokati, bashkë me të, në burg po mbahen edhe tre serbë të tjerë.
NEMA PRAVDE I VUČIĆEVE MILOSTI ZA SRBE SA KOSOVA:
Dragan Nikolić, iz Leposavića, OSTAJE još 30 dana u pritvoru Centralnog zatvora u Beogradu, pod optužbom za udruživanje protiv ustavnog poretka i poziv na nasilnu promenu ustavnog poretka Srbije! I sa njim još 3 Srbina!
— Ivan Ninić (@INinic) May 15, 2023
Ndryshe, Ivan Niniq kishte thënë se më 10 prill klienti i tij nga vendkalimi në Jarinje është dërguar në Shërbimin për Parandalimin e Terrorizmit nga dy persona të maskuar.
Pas marrjes në pyetje, ai është dërguar në Prokurorinë e Lartë Publike në Beograd, e cila ia ka caktuar masën e paraburgimit prej 30 ditësh.
Kujtojmë se bashkëshortja e tij, Ivana Nikoliq kishte thënë se arrestimi i bashkëshortit të saj është “kulmi i padrejtësisë” që iu bë, pasi që shtëpia e tyre u dogj shtatorin e kaluar “për shkak se e kishin riregjistruar veturën me targa RKS (Republika e Kosovës)”.
Ajo kishte përmendur përfshirjen e saj politike në Partinë opozitare të Serbëve të Kosovës (PKS) si “motiv për “persekutimin e familjes së saj”.
Ajo ishte në listën e kësaj partie për asambliste në Kuvendin e Komunës së Leposaviqit në zgjedhjet lokale të Kosovës më 23 prill.
Megjithatë, lideri i PKS-së, Aleksandar Jabllanoviq, u tërhoq tri ditë para zgjedhjeve dhe u bëri thirrje mbështetësve të tij që ta bojkotojnë procesin.
Këto zgjedhje u bojkotuan edhe nga Lista Serbe, për çka pati mbështetjen e Beogradit.
Dhe Ivana Nikoliq pretendonte kategorikisht se bashkëshorti i saj nuk ka asnjë lidhje me akuzat e ngritura ndaj tij nga autoritetet serbe dhe se, sipas saj, bëhet fjalë për një “rast të fabrikuar”.
Ivana kishte potencuar se pavarësisht gjithçkaje, ajo nuk do të largohet nga Kosova. /Telegrafi/
Promo
Reklamo këtuLufta Prigozhin - Putin
Më shumëPublikohen pamjet e momentit të atentatit ndaj kryeministrit sllovak
Njeriu që kreu atentatin ndaj Robert Ficos dyshohet se është shkrimtari i famshëm sllovak
Atentati ndaj kryeministrit sllovak – momenti kur ai i plagosur futet në makinë dhe i arrestimit të të dyshuarit
Kryeministri sllovak është në gjendje të rëndë shëndetësore pas atentatit ndaj tij
Atentat ndaj kryeministrit të Sllovakisë, Robert Fico
Ekipi i Robert Ficos lajmërohet në Facebook - ata japin informacione të reja për kryeministrin sllovak
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3