Britney Spears nuk i ka takuar fëmijët për më shumë se një vit, ata nuk i përgjigjen as mesazheve të saj

Britney Spears nuk i ka parë djemtë e saj adoleshentë për “më shumë se një vit” pas grindjeve të tyre publike për sjelljen e saj në mediat sociale.

“Deri në fund të verës 2022, tensionet u bënë aq të këqija sa djemtë nuk po i përgjigjeshin as mesazheve të saj. Dhe ajo ishte e tërbuar”, pohoi producentja e TMZ Katie Hayes në dokumentarin “TMZ Investigates: Britney Spears: The Price of Freedom”.

Një burim konfirmon për PageSix se hera e fundit që këngëtarja e “Toxic” pa djemtë Sean Preston, 17 vjeç dhe Jayden, 16 vjeç ishte “në fillim të vitit 2022” – para martesës së saj me Sam Asghari.

Marrëdhënia e Spears me djemtë e saj kishte qenë e diskutueshme për një kohë para se të arrinte kulmin përfundimisht në gusht 2022 pasi Jayden kritikoi publikisht aftësitë e saj prindërore.

“Mendoj se nëna ka pasur vështirësi për të na dhënë vëmendje dhe për të na treguar dashuri të barabartë; Nuk mendoj se ajo i tregoi mjaftueshëm Prestonit dhe ndihem shumë keq për këtë”, tha Jayden për DailyMail në atë kohë.

Sipas babait të djalit, Kevin Federline, prirja e Spears për të shfaqur trupin e saj ‘nudo’ në internet nuk i ndihmoi gjërat.

“Përpiqem t’u shpjegoj atyre: ‘Shikoni, ndoshta kjo është vetëm një mënyrë tjetër që ajo përpiqet të shprehet’. Por kjo nuk e largon nga fakti se çfarë u bën atyre”, tha ai.

“Është e vështirë. Nuk mund ta imagjinoj se si ndihet të jesh një adoleshent që duhet të shkojë në shkollë të mesme”, deklaroi ai.

Menjëherë pas kësaj, Spears tha se ishte e trishtuar kur dëgjoi mënyrën se si Jayden foli për të në shtyp.

“Më trishton thellësisht të di se Jaydenit thotë se nuk isha aty për të si një nënë … dhe ndoshta një ditë mund të takohemi ballë për ballë dhe të flasim hapur për këtë”, shkroi Spears shkroi në një postim të gjatë në Instagram në shtator 2022.

Pasi këngëtarja postoi mesazhe të shumta në mediat sociale që synonin djemtë e saj, Federline – e cili thuhet se merr 20,000 dollarë në muaj si mbështetje për fëmijët nga ish-partnerja– postoi video të Spears që dyshohet se u bërtiste djemve të saj.

Megjithatë, tani që koha ka kaluar, duket se familja mund të jetë gati të lërë dramën në të kaluarën.

“Kohët e fundit, ka pasur mesazhe të herëpashershme midis Britney dhe fëmijëve të saj, kështu që ndoshta akulli po shkrihet pak”, pohoi Charles Latibeaudiere i TMZ.

Lexo po ashtu Të gjitha lajmet nga Britney Spears

Në fakt, edhe Kaplan mendon se ka shpresë për familjen, e cila ka ende shumë “dashuri” për njëri-tjetrin.

“Ata e duan nënën e tyre dhe shpresojnë se marrëdhënia do të përmirësohet, në mënyrë që të gjithë të jenë të rehatshëm, por tani për tani, kjo është një dinamikë që duket se nuk ekziston”, shtoi avokati.

Megjithëse dokumenti i ri i TMZ kishte për qëllim të ndriçonte jetën e Spears pas konservatorit, burri i saj e quajti të gjithë produksionin “të neveritshëm”.

“Më dukej absolutisht e neveritshme për njerëzit që ishin në jetën e saj kur ajo nuk kishte zë, ata shkuan dhe i treguan historinë e saj sikur të ishte e tyre”, filloi Asghari në një video të postuar në InstaStory.

“Papritur – pas 15 vitesh kur ajo është e lirë pas gjithë atyre gjërave që ndodhën – tani do ta vendosni nën një mikroskop dhe do t’i tregoni historinë e saj?”, pyeti ai. /Telegrafi/