Rita Ora duket elegante me pantallona leopardi dhe xhaketë të zezë, ndërsa fotografohet në Sydney

Ajo është sensacioni i muzikës pop në Mbretërinë e Bashkuar, që rrallëherë gabon me modën dhe stilin.

Dhe Rita Ora edhe një herë bëri që kokat të kthehen nga ajo të shtunën kur doli për të kryer disa punë në Sydney, shkruan DailyMail.

Këngëtarja e hitit “Body On Me” dukej sensacionale, e veshur me një bluzë klasike të zezë të shoqëruar me pantallona të gjera me printim leopardi.

32-vjeçarja e kompletoi pamjen e saj me një xhaketë të zezë e cila është mjaft në modë.

Lexo po ashtu Rita Ora flet për skandalin kur policia ndërpreu festën e saj në pandemi: Nëna ime u mërzit shumë me mua, ajo është vet mjeke

Rita dukej e përsosur teksa u largua nga kompleksi i saj në periferi lindore, duke fshehur sytë pas një palë syzeve të errëta që tërhiqnin vëmendjen.

Artistja e lindur në Kosovë dukej se ishte pa makijazh në ditën me diell të Sydneyt dhe i kishte lidhur flokët e saj mbrapa.

Rita mbërriti në Sydney të enjten në mbrëmje me bashkëshortin e saj nga Zelanda e Re, Taika Waititi.

Çifti u martuan gjatë verës, me Ritën e cila zbuloi tek së fundmi në një intervistë se nuk donte ndonjë ‘vëmendje të veçantë’ atë ditë.

Ajo tha për revistën Glamour: “Disa femrave u pëlqen të ndiejnë atë vëmendje vërtetë të veçantë atë ditë. Dhe të gjithë janë të ndryshëm. Dhe për mua – mendoj se me punën time, është e gjitha… është shumë e drejtuar nga vëmendja – doja ta mbaja ceremoninë private sepse jeta ime dhe karriera ime nuk janë”.

Ceremonia e minutës së fundit ishte planifikuar për vetëm dy ditë dhe të ftuarit e vetëm që morën pjesë personalisht ishin dy vajzat e Taikas nga martesa e tij e parë dhe motra e Ritës, Elena.

Çifti ishte nën presion për të gjetur një datë midis orareve të tyre të ngjeshura të punës, me Ritën që shpjegoi: “Ishte ose atëherë ose na u desh të prisnim për shekuj. Nuk doja ta bëja pa fëmijët e mi atje. Pra, ne sapo e kuptuam dhe e bëmë. Dhe ishte perfekt”. /Telegrafi/