Ambasadorja Popovska thirret nga MPJ-ja e Bullgarisë

Shefi i ri i dipolomacisë bullgare, Ivan Kondov sa e ka thirrë në takim në Ministrinë e Punëve të Jashtme ambasadoren e Maqedonisë së Veriut në Bullgari, Agneza Popovska.

MPJ-ja e BUllgarisë bëri të ditur gjatë bisedës, ministri Kondov ka shprehur shqetësimin dhe mospajtimin lidhur me veprimin e autoriteteve kufitare në RMV në vendkalimin kufitar Novo Sello ku më 6 maj nuk u kanë lejuar hyrje eurodeputetit bullgar, Andrej Kovaçev dhe kryetarit të Fondacionit “Bugarska memorija”, Milen Vrabeski dhe tre shtetas të tjerë.

Kondov ka theksuar se një masë e tillë nuk është sipas parimeve dhe normave evropiane të cilat Maqedonia e Veriut është e obliguar t’i respektojë.

“Nga pala bullgare u konstatua se është e papranueshme përpilimi i listave të ndalimit për qytetarët e një shteti anëtar të BE-së. MPJ pret që të informohet për kriteret sipas të cilave në lista të tilla përfshihen shtetasit bullgarë dhe deputetët evropianë”, thonë nga MPJ e Bullgarisë.

Ata shtojnë këto veprime nuk ndodhin për herë të parë dhe prishin marrëdhëniet e mira fqinjësore mes dy vendeve./Telegrafi/