Përfaqësues të familjeve të personave të zhdukur gjatë luftës në Kosovë, nuk besojnë në zbardhjen e shpejtë të fatit të më të dashurve të tyre.
Ata dyshojnë edhe në rezultatet që mund të pasojnë pas miratimit të Deklaratës për të Zhdukurit ndërmjet Kosovës dhe Serbisë. Dyshime për rezultate konkrete kanë edhe ekspertë të drejtësisë që mirëpresin miratimin e deklaratës.
Kryeministri i Kosovës, Albin Kurti, dhe presidenti i Serbisë, Aleksandar Vuçiq, në takimin e 2 majit në Bruksel, miratuan Deklaratën për të Zhdukurit, përfshirë këtu të zhdukurit me forcë. Në deklaratë, mes tjerash thuhet se Kosova dhe Serbia pajtohen të bashkëpunojnë për identifikimin e vendvarreve të dyshimta për gjurmime dhe zotohen për dhënien e informacioneve të sakta që ndihmojnë gjetjen dhe identifikimin e Personave të Zhdukur nga 1 janari 1998 deri në fund të vitit 2000.
Nënshkrimi i Deklaratës për të zhdukurit, 24 vite pas përfundimit të luftës në Kosovës, pritet të ndikojë në zbardhjen e fatit të të zhdukurve.
Bajram Qerkini, nga Shoqata “Zëri i Prindërve”, në një prononcim për Radio Kosovën thotë se është i pakënaqur me përmbajtjen e ujdisë së arritur ndërmjet Kosovës dhe Serbisë. Ai thotë se nuk beson që marrëveshja do të ndikojë në shpejtimin e zbardhjes së fatit të të zhdukurve.
“Në krejt atë që e kam lexuar dhe e kam lexuar, asnjë fjalë të re nuk ka në deklaratë. Kjo e zvarritë procesin e zbardhjes së fatit të të pagjeturve, e kurrsesi nuk kanë sjellë një dakordim apo një shpresë të vogël që do të përshpejtohet procesi. Politika është përzier dhe nuk ka një herë asnjë shenjë. Asnjë hap përpara nuk ka me u bë”, tha ai.
Pak më optimist shprehet profesori i së drejtës penale, Ismet Salihu, i cili për vite drejtoi Institutin për Krimet e kryera gjatë luftës në Kosovë. Ai thotë për Radio Kosovën se miratimi i deklaratës për të zhdukurit, në parim është gjë e mirë, por rezultatet e saj në praktikë mbetet të shihen.
“Kjo marrëveshje që është bërë tani ndërmjet Kosovës dhe Serbisë është e mirë, mirëpo është mjaft e dyshimtë se a do t’i përmbushë Serbia obligimet e saj. E them këtë, për shkak se Serbia në mënyrë sistematike dhe zyrtare i ka kidnapuar këta persona dhe një numër të madh prej tyre edhe i ka vrarë”, tha ai.
Sipas të dhënave, numri i personave që ende vazhdojnë të jenë të zhdukur nga lufta e fundit në Kosovë është 1 mijë e 617. Në mesin e të zhdukurve janë edhe disa serbë e pjesëtarë të komuniteteve të tjera.
“Zhdukja e pjesëtarëve nga radhët e komuniteteve në Kosovë nuk është bërë nga struktura shtetërore, e për rrjedhojë zbardhja e fatit të tyre mund të jetë më sfiduese”, thotë profesor Salihu.
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Konkursi për gradimin e policëve, dyshohet për favorizime të familjarëve të eprorëve
Meta: Ambasadorin italian do ta kisha shpallur “non grata” në Shqipëri
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë