Ndërsa kalon e para nga tre ditët e zisë në Serbi pas tragjedisë në shkollën fillore të Beogradit, kur një 13-vjeçar vrau nëntë veta, babai i tij mohoi në seancë se ai e kishte trajnuar djalin e tij për të përdorur armë zjarri, derisa prokuroria njoftoi se do të kërkoj paraburgim.
Më herët të premten, autoritetet në Serbi njoftuan dhe më pas miratuan masa për të shtrënguar kontrollin e armëve, mbulimin mediatik dhe kufizimin e përmbajtjes në internet për fëmijët.
Në shenjë solidariteti me Serbinë, e premtja është shpallur ditë zie në Bosnje dhe Hercegovinë, ndërsa në Mal të Zi do të jetë të dielën.
Në Beograd, një nga qytetet më të mëdha në Ballkan, zakonisht është me nxitim dhe zhurmshëm, por në 48 orët e fundit mbizotëron heshtja, veçanërisht në zonën përballë shkollës ku një numër i madh njerëzish vendosen lule dhe lodra dhe ndezin qirinj.
Nxënësi i dyshuar i klasës së shtatë, inicialet e të cilit janë K. K, ka vrarë me armë zjarri tetë fëmijë dhe një roje shkolle dhe ka plagosur gjashtë nxënës të tjerë dhe një mësuese, njofton policia.
Të gjithë fëmijët e vrarë kanë lindur nga viti 2009 deri në vitin 2011. Viktimat ishin shtatë vajza dhe një djalë, mes të cilëve një shtetas francez, konfirmoi Ministria e Punëve të Jashtme e atij vendi.
“Dy djem nga spitali në Tiršova janë liruar në shtëpi, vajza është në gjendje kritike. Vajza tjetër e lënduar dhe mësuesja do t’i nënshtrohen edhe një operacioni tjetër”, tha në konferencën për media, ministrja e Shëndetësisë, Danica Grujiçiq.
Policia ka ndaluar babanë dhe nënën e djalit të dyshuar 13-vjeçar.
Babai i tij, i cili u ndalua për 48 orë, të premten duhet të merret në pyetje në Prokurorinë e Lartë Publike.
Djali i dyshuar për krim, i cili, sipas zyrtarëve policorë, kishte planifikuar me kujdes sulmin për një kohë të gjatë dhe që përdori armën e të atit, pas ekzaminimeve psikiatrike dhe toksikologjike është vendosur në Klinikën për Neurologji dhe Psikiatri për Fëmijë dhe të Rinj tha përfaqësuesja e familjes së djalit, tha Irina Boroviq për tanjug.
Ndërsa Beogradi dhe Serbia po mbajnë zi për të vrarët dhe shprehjet e ngushëllimit po vërshojnë nga e gjithë bota, sindikatat e arsimit në disa qytete kanë pezulluar mësimet në shkolla.
“Ne kishim mësim një ditë pas tragjedisë, por fëmijët ishin të shqetësuar për sigurinë. Ata janë të frikësuar dhe të trishtuar. Sot nuk kemi mësim, por duam të ofrojmë mbështetje dhe të identifikohemi emocionalisht me njëri-tjetrin”, tha për BBC në serbisht Hana Vuçiçeviq, mësuese e edukimit muzikor në shkollën fillore “Branko Radiçeviq” në Beogradin e Ri.
Për të ndërtuar viktimave kishte ardhur edhe Branislav Gorçobija, ndihmës drejtor në shkollën fillore “Borislav Pekiq” në Beogradin e Ri.
“Jemi pa fjalë nga pikëllimi. Sot nuk kishte mësim. Nuk ka mësim në shumicën e shkollave në Beogradin e Ri. Nxënësit i njoftuam se sot nuk mund të mbajmë mësim. Ky është tmerr. Çfarë do të bëjmë dhe si do të vazhdojmë”, thotë ai.
Babai i të dyshuarit e mohoi fajin
Më shumë se tre orë ka zgjatur marrja në pyetje e V.K., babait të të dyshuarit për vrasjet në shkollën “Vladislav Ribnikar”.
Prokuroria e lartë publike njoftoi se V.K. akuzohet për krim të rëndë kundër sigurisë së përgjithshme.
I dyshuari e mohoi fajësinë gjatë seancës.
Prokuroria njoftoi se i propozoi gjyqtarit që prindit ti caktoj masën e paraburgimit për që të mos ndikoj te dëshmitarët, në mënyrë që të mos përsëriste krimin brenda një kohe të shkurtër dhe për shkak të shqetësimit publik.
Gjithashtu dyshohet se V.K ka vepruar në kundërshtim me rregulloret për ruajtjen e sigurt të armëve dhe municionit në mënyrë që të mos vihen në posedim të personave të paautorizuar, pra të mbyllen dhe të ndahen veçmas në kasaforta, kasa apo kabinete të ngjashme që nuk mund të hapet lehtësisht.
Supozohet se, nxënësi i dyshuar është penalisht i papërgjegjshëm pasi nuk i ka mbushur ende 14 vjeç.
Me iniciativën e presidentit të Serbisë, Aleksandar Vuçiq, Qeveria e Serbisë miratoi masa të reja për kontrollin dhe posedimin e armëve –
BBC foli me një ekspert ligjor i cili beson se ulja e kufirit të moshës për krimet të rënda mund të jetë një zgjidhje.
Në vitin 2019 është vlerësuar se në Serbi ka 39.1 armë për 100 banorë, sipas të cilave Serbia ndan vendin e tretë në botë, së bashku me Malin e Zi pas Shteteve të Bashkuara të Amerikës dhe Jemenit.
Të dhënat e organizatës Small Arms Survey tregojnë se në Serbinë me një popullsi prej 6.7 milionë banorësh ka 2.7 milionë armë, nga të cilat 1.5 milionë janë të paregjistruara. /KP/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
SHBA-ja përgjon aeroplanët rusë
Dhjetë aeroportet më të pastra në botë - vetëm një është në Evropë
Vuçiq humb kontrollin gjatë konferencës, analisten amerikane Ivana Stradner e quan të çmendur
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak