Liverpooli prezanton fanellat e sezonit të ri, janë thjeshtë brilante

Klubi anglez, Liverpooli ka prezantuar tashmë fanellën e parë zyrtare për sezonin e ardhshëm 2023/24.

Kur po vjen fundi i sezonit aktual dhe po afrohemi me sezonin e ri, klubet zakonisht prezantojnë fanellat për sezonin e ardhshëm.

Një gjë të tillë e ka bërë edhe klubi i madh anglez, Liverpooli, i cili ka prezantuar fanellën e parë apo atë që njihet si fanellat e ndeshjeve si vendas.

Fire. 🔥 pic.twitter.com/YxD3Y4exRL

— Liverpool FC (@LFC) May 5, 2023

Fanella vjen si nderim për një legjendë, ngjyra e kuqe është dominuese, me kombinim të bardhë dhe disa detaje tjera për të cilat ka njoftuar faqja zyrtare e Reds.

“Liverpool FC ka zbuluar fanellën e re të shtëpisë për sezonin 2023/24, e cila i bën nderim sezonit të fundit legjendar të Bill Shankly në krye të Reds 50 vjet më parë”.

“Një komplet ikonik i ri-imagjinuar, është një dizajn klasik në të kuqe të ndezur të Liverpoolit me jakë dhe pranga me kontrast të bardhë, i frymëzuar nga skuadra e Shanklyt, e fituesve të Kupës FA në sezonin 1973/74”.

Inspired by the ‘70s but it’s never looked fresher. 🪩⚡

— Liverpool FC (@LFC) May 5, 2023

“Në anën e pasme të fanellës, emblema 97 e mbështjellë nga flakët e përjetshme qëndron me krenari në kujtim të atyre fëmijëve, grave dhe burrave që u vranë në mënyrë të paligjshme si rezultat i fatkeqësisë së Hillsborough”, thuhet në njoftim.

Mohamed Salah, Darwin Nunez, Luis Diaz, Jordan Henderson, Coady Gakpo dhe Virgil Van Dijk ishin disa nga lojtarët që prezantuan fanellën e re gjatë foto sesionit. /Telegrafi/