Policia italiane sekuestron sasi ‘rekord’ të drogës, kokaina në vlerë 400 milionë euro u gjet duke lundruar në brigjet e Sicilisë

Policia italiane ka sekuestruar të hënën dy ton kokainë të gjetur në brigjet lindore të Sicilisë.

Me një vlerë të vlerësuar në rrugë prej më shumë se 400 milionë euro, Guardia di Finanza [Policia Financiare] e Italisë e vlerësoi këtë veprim si një sekuestrim “rekord”, shkruajnë mediat e huaja, përcjell Telegrafi.

Policia publikoi videon dhe tha se tregonte drogën e mbështjellë në 70 pako të papërshkueshme nga uji, të mbajtura së bashku nga rrjeta.

Ata thanë se kishin gjetur gjithashtu një pajisje gjurmuese ndezëse të lidhur me drogën.

E pikasur gjatë një patrullimi ajror, kokaina dyshohet nga policia se ishte lënë në det nga një anije mallrash për t’u tërhequr dhe transportuar më pas nga një organizatë kriminale, megjithëse zyrtarët nuk thanë se cili grup, nëse kishte, ishte i dyshuar.

#Gdf #Catania e #ROAN #Messina: attività di contrasto al traffico di sostanze stupefacenti. Sequestro record di 2 tonnellate di cocaina del valore di oltre 400 milioni di euro.#NoiconVoi pic.twitter.com/l6Bg0COLBk

— Guardia di Finanza (@GDF) April 17, 2023

Krimi i organizuar në ishullin e Sicilisë ka qenë prej kohësh i dominuar nga grupi Cosa Nostra.

Dikur grupi mafioz më i fuqishëm në Itali, Cosa Nostra ka “një rrjet” që arrin në SHBA dhe në mbarë globin.

Në janar, autoritetet italiane arrestuan “kumbarën e fundit” të grupit, Matteo Messina Denaro, pas një kërkimi 30-vjeçar.

Vendasit brohoritën për kapjen e 60-vjeçarit, i cili dikur mburrej se mund të mbushte një varrezë me viktimat e tij.

Sot, tregtia e drogës në Itali, dhe në pjesën më të madhe të Evropës, dominohet nga grupi kriminal “Ndrangheta”, me bazë në malet e thepisura të Kalabrisë, pranë Sicilisë.

Agjencia pan-evropiane e zbatimit të ligjit Europol e ka identifikuar ‘Ndrangheta’ si një nga grupet “më kërcënuese” të krimit të organizuar në planet për shkak të “fuqisë së saj të madhe financiare” dhe “fuqisë së madhe korruptive”.

Sipas një analize të një instituti, ‘Ndrangheta’ është më e fuqishme me para se McDonald’s dhe Deutsche Bank së bashku, duke marrë miliarda dollarë në vit. /Telegrafi/