Kryeministri japonez evakuohet pas hedhjes së një bombe tymuese në drejtim të tij

Kryeministri i Japonisë, Fumio Kishida është evakuuar i pa lënduar nga një ngjarje publike pasi ndaj tij u hodh një bombë tymuese.

Një person u ndalua në vendin e ngjarjes në Wakayama, ku Kishida do të mbante një fjalim, raportuan mediat lokale.

Një dëshmitar tha se ata panë një person duke hedhur diçka ndërsa një tjetër deklaroi se kishte dëgjuar një zhurmë të madhe. Nuk raportohet për të lënduar, raporton bbc.

Videoja tregoi oficerët duke mbërthyer një person, që besohet të jetë një i dyshuar, transmeton Telegrafi.

Policia njoftoi se ka arrestuar një person, por deri më tani nuk ka pranuar të komentojë më shumë.

Transmetuesi publik japonez, NHK, citoi Kishidan të thoshte se kishte një “shpërthim të fortë” në vendin e ngjarjes.

“Policia po heton detajet, por unë do të doja t’iu kërkoja falje njerëzve pasi i kam shqetësuar dhe iu shkaktova telashe”, shtoi ai.

NHK transmetoi pamjet në të cilat turma njerëzish dukeshin duke u larguar nga vendi i ngjarjes.

Personi i ndaluar është arrestuar nën dyshimin për pengim të tubimit, raporton gjithashtu transmetuesi.

Ndryshe, sulmet e dhunshme janë jashtëzakonisht të rralla në Japoni. Kujtojmë se vitin e kaluar ish-kryeministri, Shinzo Abe u qëllua për vdekje teksa ishte në kulmin e fushatës zgjedhore. /Telegrafi/

Clean Video-
The man who caught the suspect on the spot when an object had been thrown. After this a loud #explosion occured and PM Fumio Kishida was evacuated.
Police detained an #accused.#Japan #FumioKishida #BombScare #岸田 #日本 pic.twitter.com/9mwKUwmm8Z

— News Update (@ChaudharyParvez) April 15, 2023

Japanese Prime Minister, Fumio Kishida was Evacuated during a Speech at a Fishing Pier in the Wakayama Region after a Person in the Crowd threw what was initially believed to be an “Explosive Device” at the Prime Minister; the Object later turned out be a Smoke Canister/Grenade. pic.twitter.com/ps91HUCMMm

— OSINTdefender (@sentdefender) April 15, 2023