CEO i OpenAI thotë se kompania nuk po e trajnon versionin GPT-5

Në një diskutim rreth kërcënimeve të paraqitura nga sistemet e AI-s, Sam Altman, CEO dhe bashkëthemelues i OpenAI, që qëndron prapa programit ChatGPT, ka konfirmuar se kompania aktualisht nuk po e trajnon versionin GPT-5, pasardhësin e supozuar të modelit të saj GPT-4, i lansuar në mars.

Duke folur në një ngjarje në fakultetin amerikan MIT, Altman u pyet në lidhje me një letër kohët e fundit të shpërndarë në botën e teknologjisë që kërkonte që laboratorët si OpenAI të ndalonin zhvillimin e sistemeve të AI “më të fuqishme se GPT-4”, transmeton Telegrafi.

Letra nënvizonte shqetësimet për sigurinë e sistemeve të ardhshme, por është kritikuar nga shumë në industri, duke përfshirë një numër nënshkruesish. Ekspertët nuk pajtohen rreth natyrës së kërcënimit të paraqitur nga AI (a është ai ekzistencial apo më i zakonshëm?) si dhe se si industria mund të shkojë për të “ndaluar” zhvillimin në radhë të parë.

Në MIT, Altman tha se letrës “i mungonte pjesa më e madhe e nuancave teknike se ku ka nevojë për pauzë” dhe vuri në dukje se një version i mëparshëm pretendonte se OpenAI aktualisht po trajnon GPT-5.

“Ne nuk jemi duke e trajnuar, dhe nuk do ta bëjmë për një kohë”, tha Altman. “Pra, në këtë kuptim ishte disi marrëzi”. /Telegrafi/