Limaj akuzon Kurtin: Me marrëveshjen e dëmshme, Serbia bëhet hisedare në Kosovë

Kryetari i Nismës Socialdemokrate, Fatmir Limaj, ka thënë se pika 7 e marrëveshjes së Ohrit mes Kurtit e Vuçiqit është marrëveshja e vitit 2015.

“Në pikën 7 janë organet e Asociacionit, nga Kuvendi, Bordi, kryetari dhe stema e flamurit. Kompetencat do të bisedohen me status”, ka thënë Limaj.

“Kosovës i ka ardhur një marrëveshje shumë e keqe, e rëndë… Serbia me këtë marrëveshje bëhet hisedare në Kosovë”, ka thënë tutje Limaj, duke shtuar se në këtë marrëveshje një pjesë është version i ish-kryeministrit të Serbisë, Zoran Gjingjiq.

“Plani i Gjingjiqit ka pasur dy drejtime: sa më shumë të drejta të komunitetit serb në Kosovë dhe e dyta të rikthehet e drejta e shtetit serb mbi Kosovën”, ka shtuar Limaj në RTV Dukagjini.

Sipas tij, kjo marrëveshje ka ardhur nga mos-komunikimi i kryeministrit Kurti me aleatët ndërkombëtarë, duke theksuar se i njëjti nuk ka legjitimitet.

Politiken e Qeverisë dhe të kryeministrit e ka quajtur si arrogante, aventuriste dhe të papërgjegjshme.

Sipas Limajt, kemi një marrëveshje sikur ajo e Ohrit, që e pranoi Kurit më 18 mars.

“Kjo marrëveshje ka ardhur si rezultat i një politike dyvjeçare aventuriste, të papërgjegjshme, kryeneçe arrogante të kësaj garniture”, ka thënë Limaj.

Limaj nuk i ndali edhe më tej kritikat, ku sipas tij Kurti “pa pikë fytyrë” po mundohet që marrëveshjen e Ohrit të shesë ndryshe në popull.

“Kryeministri ka shkelur kushtetutën, pasi e ka pranuar këtë marrëveshje, pasi në preambulën e atij dokumenti paragjykohet statusi i Kosovës, Kurti pranon që çështja e statutit të Kosovës nuk është e zgjidhur, mund të hapet është e hapur, praktikisht kjo korrespondon me kushtetutën e Serbisë… Neni 7 ka disa problematika, është marrëveshje e 2015, Kushtetuesja e ka rrëzuar ne 2015. Pika 10 është marrëveshja e 2013-tës.”, ka shtuar Limaj.

Ndërkaq, Limaj gjatë intervistës këto që këto që po thoshte të regjistrohen pasi, do të dalin fjalët e tij, kështu duke kritikuar prapë Kurtin, pasi në emisionin “Debat Plus”, Kurti i janë lëshuar disa video nga e kaluara kur kundërshtonte Asociacionin, e sipas tij kryeministrin nuk e kishte problem këtë.

“Xhiroje, incizoje, fatmirësisht jemi në një kohë moderne, edhe pse edhe me xhirime më s’po e kanë gajle, e shihesha kryeministrin ia qiteshin videot, por se ka gajle”, ka thënë Limaj. /Dukagjini/