Nga sonte fillon të aplikohet orari veror i fluturimeve në aeroportin e Shkupit dhe Ohrit

Orari veror i fluturimeve hyn në fuqi nga sonte në aeroportin e Shkupit dhe Ohrit dhe do të zgjasë deri në fund të tetorit të këtij viti. Sipas orarit aktual të fluturimeve, 20 linja ajrore do të operojnë nga aeroporti i Shkupit në 44 destinacione, ndërsa nga “Shën Apostoll Pavle” gjashtë linja ajrore do të fluturojnë në nëntë destinacione.

Ka disa risi për pasagjerët që përdorin trafikun ajror, dhe natyrisht më e rëndësishmja është vendosja e linjës së rregullt të fluturimit Frankfurt-Shkup-Frankfurt e linjës ajrore gjermane Lufthansa, duke filluar nga 23 prilli me dhjetë fluturime në javë.

TAV gjithashtu informoi për një linjë të re ajrore sezonale midis Shkupit dhe Splitit nga Croatia Airlines, e cila do të mbahet dy herë në javë nga 12 maji deri më 14 tetor.

Duke filluar nga 5 qershori, Air Serbia do të përditësojë fluturimin sezonal ndërmjet Beogradit dhe Ohrit katër herë në javë.

Në sezonin e ardhshëm veror janë planifikuar fluturime çarter nga aeroporti i Shkupit për në Egjipt, Turqi dhe Tunizi për turistët e vendit, ndërsa mysafirë të huaj me fluturime çarter priten nga Holanda dhe Polonia në aeroportin e Ohrit “Shën Apostoll Pavle”.