Osmani: Nuk ka asnjë zhgënjim ku është përfshirë SHBA-ja

Pritshmëritë janë të mëdha, sepse i tillë është momentumi politik, tha ministri i Jashtëm Bujar Osmani lidhur me pritjet nga dialogu i sotëm i nivelit të lartë për normalizimin e marrëdhënieve ndërmjet Beogradit dhe Prishtinës, i cili po mbahet në Ohër.

Osmani, i cili është edhe kryetar aktual i OSBE-së, thekson se vetë fakti që Maqedonia e Veriut është një mbrojtje për t’u parë në një farë mënyre e përfshirë në këtë proces, është një njohje e madhe e rolit të ri ndërkombëtar që ka vendi.

-Mendoj se simbolika e këtij takimi që po mbahet në Ohër, është pasqyrë e suksesit të marrëveshjes së Ohrit, sepse po mbahet në të njëjtat ambiente. Marrëveshja e Ohrit sot njihet si marrëveshja ndërkombëtare më e suksesshme në këtë rajon, e arritur me ndërmjetësimin e SHBA-së dhe BE-së. Ky është një mesazh që SHBA-të asnjëherë nuk e kanë zhgënjyer në këto procese, thotë Osmani.

Shefi i diplomacisë shpreson se në Ohër do të arrihet një marrëveshje, e cila do të garantojë stabilitet të qëndrueshëm për rajonin.