Në mes të ditës në qendër të qytetit kanadez, hajnat nxjerrin jashtë pronaren e veturës dhe e përplasin për tokë – largohen me mjetin e saj

Në qytetin kanadez Milton ka ndodhur një vjedhje e dhunshme e veturës, kurse kamerat kanë filmuar momentin rrëqethës.

Hajnat nxorën nga pronaren e veturës jashtë dhe më pas e përplasën për tokë, para se të largoheshin me shpejtësi nga vendi i ngjarjes, transmeton Telegrafi.

Vjedhja ka ndodhur të martën në mëngjes në qendrën tregtare në afërsi të Thompson Road, ka njoftuar policia në Halton.

Kjo qendër tregtare është shumë e frekuentuar dhe ka disa restorante dhe kafiteri.

Kurse në video shihet viktima një grua rreth të 50-ve e cila qëndron e ulur në një Honda CR-V, para se dy burra t’ia godasin pjesën anësore të veturës.

Ata gjithashtu ia thyejnë dritaren, hapin derën dhe me dhunë e nxjerrin jashtë.

“Është një krim shokues që ia rrezikoi jetën shumë banorëve të Miltonit. Kemi vënë në dispozicion të gjitha resurset për t’i kapur hajnat”, tha zëdhënësi i policisë Dave Stewart.

Gruaja nga ky sulm ka pësuar lëndime, por jo që do t’ia rrezikonin jetën.

Në anën tjetër, policia ka bërë të ditur se disa orë më vonë ka gjetur veturën Honda CR-V në Brampton, por jo edhe të dyshuarit që janë akoma në arrati. /Telegrafi/

CAR JACKING OF THE DAY:
***Note details need to be confirmed***
📍Metro Plazza Milton

Possibly as recent as today, a white pickup truck ran into what looked like a Honda SUV, smashed the window, and tossed the driver out of the car, and the suspects took off with the vehicle.👇 pic.twitter.com/SURct8UU6g

— Shazi (@ShaziGoalie) February 21, 2023