Sam Smith sulmohet verbalisht nga një grua në New York

Sam Smith ka marrë shumë reagime për performancën ‘demonike’ të këngës “Unholy” së bashku me Kim Petras në ceremoninë e ndarjes së çmimeve ‘Grammy Awards 2023’.

Në një video të publikuar në rrjetet sociale, këngëtari britanik mund të shihet duke u sulmuar verbalisht me fjalë nga më të ulëtat nga një qytetare, e cila e ka quajtur ‘bastard demonik, i shtrembëruar, i sëmurë’.

“Sam Smith i përket ferrit”, dëgjohet gruaja duke i bërtitur këngëtarit me fjalët: “Lëri fëmijët të qetë o i sëmurë”.

Gjatë performancës raciste të këngës së tyre hit, Petras dhe Smith – u shfaqën në ‘Grammy Awards 2023’ të veshur me material latex të kuq të rrethuar nga kërcimtarë me kamxhik dhe brirë, duke përfshirë Smithin, kapela e sipërme e të cilit ishte stolisur me brirë djalli.

Gruaja i bërtet vazhdimisht këngëtarit, ndërsa të tjerët ecin rreth tyre, shkruan DailyMail.

Smith në një moment duket se ka nxjerrë telefonin e vet dhe e ka regjistruar gruan.

Këngëtari i hitit “Stay With Me” më pas vazhdon të ecë ndërsa gruaja irlandeze e paidentifikuar e ofendon atë në mënyrë të vazhdueshme.

Smith shfaqet i patrazuar teksa ecën pranë gruas si të tjerët rreth saj.

Një burrë tjetër mund të dëgjohet duke e kundërshtuar atë, duke bërtitur se e do Smith dhe muzikën e tij.

“Më pëlqeu albumi i parë”, bërtet burri.

Ndërsa gruaja bërtet “Sam Smith është një pedofil”, burri i përgjigjet “thashethemeve”.

“’In the Lonely Hours’ është albumi im i preferuar”, bërtet burri, duke kundërshtuar gruan ofenduese.

Videoja përfundon me gruan duke i bërtitur me fjalët “Je i keq” këngëtarit të hitit “How Do You Sleep” teksa ajo shihet duke nxjerrë qafën jashtë.

Reagimi ka qenë i rëndë që nga performanca e 5 shkurtit, në të cilën Petras dhe Smith ndezën zemërim për performancën e tyre me motive ‘satanike’ në ‘Grammy Awards 2023’.

Petras u shfaq i mbyllur në një kafaz e mbështjellë me fustan të kuq, ndërsa Smith kishte veshur pantallona të kuqe latex.

Performanca është kritikuar në internet dhe ka rezultuar në më shumë se një duzinë ankesash të paraqitura në Komisionin Federal të Komunikimeve (FCC).

Deri më tani, të paktën 18 ankesa janë paraqitur kundër CBS, sipas raporteve të marra nga TMZ.

Në të kaluarën, FCC ka gjobitur kanalet televizive me qindra mijëra dollarë për transmetimin e materialeve të turpshme.

Lexo po ashtu Klipi i ri nga Sam Smith ngjall reagime të shumta për shkak të përmbajtjes dhe mos-censurimit të tij

Është shkelje e ligjit federal të transmetosh programe të turpshme në çdo kohë dhe shkelje e ligjit federal të transmetosh programe të pahijshme ose profane gjatë orëve të caktuara.

Në vitin 2004, FCC gjobiti kanalin CBS me një gjibë prej 550,000 dollarësh për shkeljen e standardeve federale të turpshme pasi gjoksi i Janet Jackson u ekspozua para një audience televizive mbarëkombëtare gjatë shfaqjes së ceremonisë hapëse të ‘Super Bowl’ të atij viti.

Smith dhe Petras përndryshe u shpërblyen me çmimin “Performanca më e mirë duo/grup” në ‘Grammy Awards 2023’ për hitin e tyre të përbashkët “Unholy”. /Telegrafi/