UEFA nuk do ta bllokojë shitjen e Man United te sheikët

UEFA nuk do të bllokojë zyrtarët nga Katarit që të blejnë Manchester Unitedit, nëse kanë në plan të bëjnë një ofertë gjatë kësaj jave.

Sportsmail zbuloi javën e kaluar se një konsorcium me bazë në Katar kishte nisur një ofertë për Unitedin, por u përball me një pengesë të mundshme në rregullat e shtëpisë së futbollit evropian, të cilat ndalojnë një pronar të kontrollojë skuadra të shumta në garat e tyre.

Katar Sports Investments tashmë zotëron Paris Saint-Germain. Por, oferta për United do të vijë nga një njësi e veçantë, e cila ka të ngjarë të bind zyrtarët. Burimet e UEFA-s kanë bërë të ditur se nuk do të ketë asnjë problem me ofertën e Katarit, e cila po përgatitet përpara afatit të së premtes në 22:00 të vendosur nga banka investuese Raine, e cila po mbikëqyr shitjen për United.

Lexo po ashtu Sa është pasuria e sheikëve që duan ta blejnë Manchester United – derisa kanë premtime të çmendura për Djajtë e Kuq

Ka faktorë të tjerë në lojë si dhe ndarja e dy grupeve të pronësisë. Presidenti i PSG-së, Nasser Al-Khelaifi është një aleat i ngushtë i presidentit të UEFA-s, Aleksander Ceferin. Ceferin ishte mysafir i Al-Khelaifi në ndeshjen e së martës mbrëma në Ligën e Kampionëve mes PSG dhe Bayern Munich në Paris.

Asnjë nga këto dy klube nuk ishte ndër rebelët e Superligës Evropiane, diçka për të cilën UEFA ishte mirënjohëse. Me kërcënimin e vazhdimit të ligës së shkëputur, kjo marrëdhënie mbetet e fortë.

Al-Khelaifi është gjithashtu kryetar i Shoqatës së Klubeve Evropiane dhe beIN Media Group, të cilët zotërojnë të drejtat për të transmetuar garat e UEFA-s në disa vende anembanë botës.

Lexo po ashtu Bëhet publike oferta e Elon Musk për ta blerë Manchester Unitedin

Rregulli i UEFA-s kundër pronësisë së shumë klubeve thotë se “asnjë person fizik ose juridik nuk mund të ketë kontroll ose ndikim mbi më shumë se një klub që merr pjesë në një kompeticion klubesh të UEFA-s”.

Kjo nuk do të ishte problem këtë sezon në asnjë rast, pasi PSG është në Ligën e Kampionëve dhe United në atë të Evropës.

Ndërkohë, FIFA po rekruton një drejtor të ri të fokusuar në të drejtat e njeriut, teksa afrohet rritja e përfshirjes së Lindjes së Mesme në krye të futbollit anglez. /Telegrafi/