Tërmeti në Turqi e zbret lirën në një nivel rekord të ulët

Lira e Turqisë arriti një nivel të ri rekord të ulët dhe tregjet e aksioneve zbritën pasi tërmeti shtoi presionet nga një dollar i fortë, rreziqet gjeopolitike dhe parashikimet e papritura të inflacionit jashtë vendit.

Një dollarë po tregtohet me 18.85 lira. Standardi kryesor i aksioneve të vendit i njohur si XU100 ra në 4.6 për qind.

“Ngjarja tragjike me pjesën jugore të Turqisë, i goditur nga një tërmet i fuqishëm janë burim pasigurie shtesë përpara zgjedhjeve vendimtare që me shumë gjasa do të mbahen në maj”, tha Piotr Matys, analist i lartë në In Touch Capital Markets.

Bursa e Stambollit njoftoi se kishte ndërprerë përkohësisht transaksionet në aksionet e disa kompanive në zonën e tërmetit, megjithëse tregtimi pritej të rifillonte më vonë gjatë ditës.

Lexo po ashtu Tërmeti shkatërrues në Turqi dhe Siri, numri i të vdekurve arrin në më shumë se 3.500

Tregjet janë nën presion dhe aksionet në të gjithë botën janë duke ndjerë “dhimbjen” nga një rritje e mprehtë e dollarit.

Tensionet gjeopolitike janë rritur sërish kohëve të fundit me indikacionet se Shtetet e Bashkuara të Amerikës do të nxisin zbatimin e sanksioneve ndaj Rusisë, duke shtuar presionin mbi tregjet turke pasi Washingtoni paralajmëroi Ankaranë për eksportin e kimikateve, mikroçipëve dhe produkteve të tjera që mund të jenë përdorur si mjete luftarake nga Moska në Ukrainë. /Telegrafi/