Emily Ratajkowski debuton stilin e ri të flokëve me balluke në shfaqjen e Marc Jacobs

Emily Ratajkowski tregoi një transformim të madh të flokëve në sfilatën e modës Marc Jacobs të enjten mbrëma (2 shkurt), duke i kthyer flokët e saj të zakonshme brune në një stil ‘bob’ me balluke.

Ajo e kombinoi stilin e ri të flokëve me një bluzë të tejdukshme, pantallona me bel të lartë dhe një xhaketë të gjitha në një nuancë bezhë.

Modelja e njohur ngacmoi pamjen e saj të re në TikTok përpara shfaqjes, dhe gjithashtu ndau foto të stilit të valëzuar në InstaStory.

Ratajkowski pozoi përkrah shoqes Ashley Graham në rreshtin e parë të Marc Jacobs.

Njerëz të tjerë të famshëm në këtë ngjarje përfshinin Debi Mazar, Debbie Harry, Sofia Coppola dhe Nicky Hilton, por vajza e Madonnas, Lourdes Leon u kthye në derë për shkak se mbërriti me vonesë.

Është interesante se ishi i Ratajkowskit, Pete Davidson, gjithashtu iu nënshtrua një ndryshimi të flokëve këtë javë.

Dhe modelja nuk është ylli i vetëm që provoi një stil të ri ‘bob’, Hailey Bieber debutoi një stil të ngjashëm të shkurtër në janar, ashtu si Megan Fox.

Bukuroshja e “Blurred Lines” ka një djalë me ish-bashkëshortin e saj, Sebastian Bear-McClard, nga i cili paraqiti kërkesën për divorc në shtator 2022. /Telegrafi/