Si të hiqni shumicën e njollave nga mermeri

Mermeri është një sipërfaqe shumë e ndjeshme, ndaj duhet të dini se si ta pastroni siç duhet

Mermeri është një nga materialet më poroze prej guri natyror që mund të gjeni.

Me mermerin, problemi i madh është pikërisht se si të hiqni shumicën e njollave prej tij! Megjithatë, një dëm i tillë mund të shmanget nëse veproni shpejt.

Heqjen e shumicës së njollave nga sipërfaqet e mermerit duhet lënë profesionistit, mirëpo vetë mund t’i hiqni njollat e tymit nga mermeri përreth stufës, transmeton Telegrafi.

Fërkoni butësisht mermerin me pluhur guri vullkanik dhe ujë. Nëse njolla nuk hiqet, fërkojeni me lëng limoni – por mos e lini në sipërfaqe sepse thartira e limonit do ta gërryejë gurin.

Njollat yndyrore zakonisht mund të hiqen me spiritus të bardhë. Gjatë pastrimit me të, ajroseni dhomën mirë, mos pini duhan dhe nëse keni ngrohje me gaz, fikni flakën kontrolluese.

Dëshironi të përmirësoni të çarat në mermer, më së miri është ta bëni me ndihmën e ngjitësit me bazë rrëshire epoksidi.

Me përzierje e pluhurit të mermerit dhe ngjitësit me bazë epoksidi mbushni vrimat e vogla dhe vendet e gërvishtura ose zëvendësoni pjesët që mungojnë. Në vend të pluhurit të mermerit, mund të përdorni pluhur kaolinë dhe ngjyrën e duhur. /Telegrafi/