Gjenden në 400 metra lartësi, pushuesit paguajnë 450 dollarë për një në natë – trendi i kabinave të varura në shkëmbinj
Kur flasim për një dhomë me pamje të bukur, atëherë ajo gjendet në luginën e shenjtë të Perusë, ku në 400 metra lartësi gjenden kabinat e xhamit që ofrojnë luks dhe akomodim për të gjithë ata që nuk i frikësohen lartësisë.
Bëhet fjalë për suitat Skylodge që sipas ueb-faqes ndërkombëtare të Airbnb, duhet ndarë 450 dollarë që të kalohet një natë në një nga këto kabina.
Ato janë të ngjitura në skaj të shkëmbinjve të lartë dhe janë plotësisht transparente, pra të punuara nga xhami, transmeton Telegrafi.
Për të arritur deri te ato, pushuesit duhet të bëjnë ngjitje maleve dhe të përdorin disa shkallë të hekurta të ngjitura në shkëmb ku përmes një kablloje të çeliktë – pra me “zipline” duhet futur në to.
Fotografitë e publikuara më poshtë janë tejet mbresëlënëse dhe ofrojnë peizazh të rrallë. Sa i përket hapësirës, në këto kabina janë nga katër shtretër, ka hapësirë për të drekuar, tualet dhe një hapësirë që është ndarë dhe zakonisht përdoret për nevoja “personale”.
Ajo çfarë është paksa sfiduese është që mysafirët nuk kanë dush dhe për këtë informohen paraprakisht, me qëllim që të bëjnë zgjidhje alternative sa i përket higjienës.
Gjithashtu në to nuk ka ngrohje dhe për këtë pushuesit marrin me vete rroba të trasha, në veçanti në muajt më të ftohtë të vitit.
Hoteli i parë me dhoma të varura u hap në vitin 2013, dhe prej asaj kohe janë bërë tejet të kërkuara nga pushuesit që nuk i frikësohen lartësisë dhe duan të përjetojnë adrenalinë.
Qëndrimi “all inclusive” përfshin transportimin deri në Cuzco, mëngjesi dhe dreka me verë të shtrenjtë, pajisjet për ngjitje si dhe një udhërrëfyes profesionistë.
Këto kabina kanë marrë 4.9 pikë nga 5 sa janë në total në ueb-faqen e Airbnb, dhe “dhoma” të tilla çdo ditë e më shumë po bëhen më të kërkuara nga pushuesit nga vende të ndryshme të botës.
Emily që ishte në njërën nga to në nëntor të vitit të kaluar ka shkruar se “ishte një përvojë e paharruar, diçka unike që ia vlen të provohet”.
“Pa dyshim një nga gjërat më të mirë që ndonjëherë kam bërë”, shtoi ajo.
E një pushues tjetër i identifikuar si Greg tha se “kombinimi i lartësisë, pamjes së rrallë, adrenalinës dhe ushqimit të mirë” e kanë bërë atë që të mos e heq mendjen nga ky udhëtim, pavarësisht se kanë kaluar më shumë se katër muaj që kur ishte atje.
Megjithatë Laura e cila rezervoi një kabinë të tillë në vitin 2019 së bashku me të dashurin, ka paralajmëruar se nuk është edhe aq lartë siç disa persona e përshkruajnë.
Sipas ekspertëve të turizmit, të gjithë ata që duan ta relaksojnë veten, mendjen dhe të qëndrojnë në një vend me ajër tejet të pastër, atëherë këto kabina në shkëmbinj të lartë – janë “ilaçi” më i mirë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Çfarë thuhet në alarmin e NATO-s për aktivitetet ‘armiqësore’ ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Shoferi ‘harroi frenin e dorës’, rreth 30 të lënduar pasi një furgon akulloresh ‘fshiu përpara’ një turmë fëmijësh në një festival në Kirgistan
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Turqia ndalon të gjithë tregtinë me Izraelin për shkak të luftës në Gaza - vjen reagimi i Tel Avivit
Aktivistja nga Arabia Saudite dënohet me 11 vjet burgim "për shkak të veshjes"
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Ndërpriten mijëra fluturime - Rusia akuzohet se po ndërhyn në sistemet e navigimit të aeroplanëve në Evropë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe