Mickoski: Nuk jemi të gjithë njësoj, shpresojmë që këtë vit të arrijmë 61 deputetë

Mesazhi im për këtë vit është të jemi unik, të bashkohemi dhe ta mposhtim të keqen, tha kryetari i OBRM-PDUKM-së, Hristijan Mickoski, për servisin publik.

I pyetur se sa i kënaqur është me punën e kryetarëve nga partia e tij, Mickoski theksoi se si profesionalisht ashtu edhe politikisht është i kënaqur me punën e bërë për vitin e kaluar 2022, duke theksuar se kryetarët kanë realizuar një numër të madh projektesh pa shkaktuar ndonjë skandal korrupsioni, i cili, siç tha ai, tregoi se nuk janë të gjithë njësoj.

“Jam i kënaqur, megjithëse mund të jetë gjithmonë më mirë dhe duhet të përpiqemi ta bëjmë gjithmonë më mirë. Në përgjithësi, jam i kënaqur me atë që është bërë në vitin 2022.

Ne treguam se jo të gjithë janë të njëjtë, se një mori kryetarësh të rinj të OBRM-PDUKM-së të moshave të ndryshme, disa më të rinj, disa më të vjetër, të profesioneve të ndryshme arritën të tregojnë se nuk jemi të gjithë njësoj. Në të vërtetë, shumë projekte u realizuan pa asnjë skandal të vetëm, gjë që është shumë e rëndësishme. Është shumë e rëndësishme për Maqedoninë pa asnjë skandal korruptiv apo akuza për krim dhe është shumë e rëndësishme sepse është baza për gjithçka, këtu fillojnë të gjitha problemet”, tha Mickoski.

Mickoski theksoi se edhe pse nuk arritën të mbajnë zgjedhje të parakohshme parlamentare në vitin 2022, këtë vit do të bëjnë gjithçka që është e mundur që të mbahen zgjedhje të parakohshme dhe në vend që të kenë qeveri dhe kryeministër të zgjedhur nga pak njerëz, një qeveri dhe kryeministër i ri.

“Ndoshta një gjë ka munguar, ajo është që disi të arrijmë në zgjedhje të parakohshme parlamentare. Por, për fat të keq, nuk i kemi të qartë 61 deputetë brenda parlamentit që do të lënë anash interesin e tyre personal dhe partiak, dhe do të shikojnë interesin shtetëror të popullit të Maqedonisë, pavarësisht nëse janë maqedonas, shqiptarë, turq, romë, serbë apo të tjerët duhet të shikojnë interesin e popullit dhe të shtetit”, tha Mickoski./Telegrafi/