Raportohen zjarre në Shkup, Strugë dhe Gostivar

Dje janë raportuar zjarre në një banesë në Karposh të Shkupit dhe në dy shtëpi, në Strugë dhe Gostivar, por siç njoftojnë nga MPB, nuk ka persona të lënduar, ndërsa dëmet materiale do të konstatohen më tej.

“Në Stacionin Policor Karposh, dje në orën 02:10, D.N.(63) nga Shkupi ka raportuar për zjarr në banesën e tij në zonën e Karposhit. Zjarri është shuar nga njësia zjarrfikëse të Shkupit dhe po punohet për zbardhjen e rastit.

Në SVR Ohër, nga ana tjetër, dje në orën 13:15 është raportuar se në një shtëpi në rr. “Risto Krle” në Strugë, pronë e J.R.(31), ka rënë zjarr i cili ka djegur disa dhoma të shtëpisë. Zjarri është shuar nga njësiti i zjarrfikësve të Strugës, ndërsa ekipi i Stacionit Policor Strugë ka bërë kontroll në vendin e ngjarjes.

Një zjarr ka shpërthyer edhe në një shtëpi në fshatin Zdunje të Gostivarit, në pronësi të R.Sh, ndërsa është raportuar dje në ora 11:10 në Stacionin Policor Gostivar. Shuarja e zjarrit është bërë nga zjarrfikësit e Gostivarit, ndërsa një ekip nga stacioni policor të Gostivarit ka kryer kontroll”, njoftojnë nga MPB./Telegrafi/