LAJMI I FUNDIT:

Resorti francez i skive bëhet i pari në Evropë që ndalon duhanin edhe në natyrë

Resorti francez i skive bëhet i pari në Evropë që ndalon duhanin edhe në natyrë

Një vijë e kuqe mbi një cigare – simboli universal i ndalimit të pirjes së duhanit – do të jetë risija që do t’i pret entuziastët e skive nga e gjithë bota në fshatin e vogël Les Gets në Alpet Franceze.

Më 17 dhjetor, ndërsa terrenet e skive të Les Gets hapën dyert e veta për sezonin e dëborës, ai u bë gjithashtu resorti i parë i skive në Evropë që ndaloi duhanin në të gjithë zonën komunale – slogani i ri i fushatës, “Les Gets, territor pa bishta cigaresh”.

“Kanë kaluar vite që kur filluam të shpërndanim pajisje falas për shkundjen e cigareve dhe nuk ndryshoi asgjë sepse gjenim bishta cigaresh në fund të sezonit të skive”, tha Benjamin Mugnier, drejtor marketingu në Les Gets, raporton cnn.


“Pranverën e kaluar patëm një ditë pastrimi me 100 vullnetarë dhe pasi përshkruam një pjesë të madhe të malit, gjetëm 3000 bishta cigaresh”, shtoi ai.

Ishte ky moment kur ai vendosi të sugjeronte këtë vendim drastik – ndalimin e pirjes së duhanit. Policia bashkiake do të kryejë patrullime pranë pistave dhe ata që kapen duke pirë duhan mund të gjobiten.

Edhe pse kishte shqetësime se disa vizitorë mund të anulonin rezervimet e tyre ose të mos ktheheshin vitin e ardhshëm për shkak të ndalimit të duhanit, Mugnier tha se “nuk është ndonjë problem”.

Ndryshe, vendpushimet e skive jo duhanpirëse tashmë funksionojnë në pjesë të tjera të botës, si Japonia, Zelanda e Re dhe Kanadaja. /Telegrafi/

Në trend Botë

Më shumë
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë

Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë

Bosnja
Netanyahu thotë se Izraeli përballet me luftë në shtatë fronte

Netanyahu thotë se Izraeli përballet me luftë në shtatë fronte

Botë
Irani anulon fluturimet me aeroplan për disa orë

Irani anulon fluturimet me aeroplan për disa orë

Botë
Franca bën thirrje për embargo armësh ndaj Izraelit, Netanyahu:

Franca bën thirrje për embargo armësh ndaj Izraelit, Netanyahu: "Turp për ta"

Botë
Zelensky i Ukrainës do të prezantojë 'planin e fitores' në takimin e Ramstein

Zelensky i Ukrainës do të prezantojë 'planin e fitores' në takimin e Ramstein

Botë

"Kur dashuria bëhet akt heroik", nëna notoi tre kilometra për të shpëtuar vajzën nga përmbytjet në Bosnje

Bosnja
Kalo në kategori