Tifozja kroate Ivana Knoll rrëmben vëmendjen e sheikëve në tribunat e Botërorit 2022

Ivana Knoll e Kroacisë ka ndezur polemika në Katar me vendasit që duket se janë ndarë të pakënaqur me veshjen e ekspozuar të tifozes, e cila është shndërruar tashmë në tifozen më seksi të momentit të Kampionatit Botëror 2022.

Knoll ka shkaktuar bujë në ndeshjet e fazës së grupeve pasi doli me një veshje të mrekullueshme me kapuç dhe një minifustan me kuadrate.

Knoll tha se ishte e kujdesshme për ligjet strikte të Katarit përpara se të mbërrinte atje, shkruan The New York Post.

Në postimet e saj të fundit, duke përfshirë një vizitë ku ajo shihet e veshur me bikini në plazh dhe veshjen e bluzave me bikini dhe pantallonave në barazimin 0-0 të Kroacisë me Belgjikën, disa përdorues të Instagramit vunë në shënjestër bukuroshen Knoll.

“Sa turp nga një vajzë kaq e bukur. E trishtueshme”, ka shkruar njëri.

“Ç’dobi ka të jesh e pasur, biznesmene, kaq e bukur, seksi dhe kaq e dëshpëruar për vëmendje?”, shtoi një tjetër.

“Nuk e di pse nuk të kanë shkelmuar. Kush je që t’i ofendosh në vendin e tyre…” shtoi një tjetër.

Është vetëm një numër i vogël i komenteve negative të adresuar ndaj Knollit, por ajo u kundërpërgjigj, duke thënë se edhe vendasit ishin ndarë të kënaqur me paraqitjen e saj provokuese.

“Vendasit më konfirmuan se mund të vesh çfarë të dua”, tha Knoll për TMZ Sports.

“Por nuk e dija që videoja ime me bikini duke ecur buzë detit do të bënte bujë kaq të madhe. I gjithë vendi flet për të. Të gjithë më njohin këtu dhe pashë që më pranuan”.

“Kurrë nuk kam pasur frikë të më arrestojnë për të qenë kjo që jam dhe nuk mendoj se mund të lëndoj dikë me bikini. Dhe nëse ai/ajo meriton të arrestohet, atëherë më arrestoni mua”.

Zyra e Jashtme e Mbretërisë së Bashkuar i këshilloi vizitorët në Katar se gratë duhet të mbulojnë shpatullat e tyre dhe të shmangin veshjen e fundeve të shkurtra.

Gratë që udhëtojnë për në kombin arab gjithashtu u ndalohet të veshin çdo veshje të ngushtë ose të shfaqin dekolte të hapur.

“Vizitorët (burrat dhe gratë) pritet të tregojnë respekt për kulturën vendase duke shmangur veshjet e tepërta në publik”, paralajmëroi autoriteti i turizmit të Katarit përpara Kampionatit Botëror. /Telegrafi/