Arsovska: Dorëheqja ime nuk është opsion

Kryetarja e Bashkisë së Shkupit Danela Arsovska, thotë se i konvenon që të ketë zgjedhje për Këshillin e Bashkisë së Shkupit, por dorëheqja e saj nuk është opsion.

Do të kishte zgjedhje lokale në nivel të Shkupit për Këshillin nëse buxheti i qytetit nuk miratohet deri në mars. Një rast i tillë ka pasur kohë më parë në Tetovë.

“Nëse këshilltarët vendosin se nuk kanë nevojë të mbështesin një buxhet funksional për qytetarët, për realizimin e projekteve dhe për një Shkup modern, atëherë automatikisht u përfundon mandati dhe do të shkojnë në zgjedhje lokale dhe do të vijnë këshilltarët që do të punojnë në interes të qytetarëve. Mirëpo, përshtypja ime personale është se atje ka njerëz me përvojë, si në politikë ashtu edhe si këshilltarë dhe askush nuk do të mbante një dëm të tillë politik pas tyre”, tha Arsovska.

Ajo shtoi se dy partitë më të mëdha politike në vend nuk mund të pranojnë që, siç thotë për vete Arsovska, një individ mundohet të ndryshojë diçka në qytet dhe në vend.