Një grua shtatzënë vritet para Gjinekologjisë në QKUK

Një grua shtatzënë, ka mbetur e vdekur përballë Gjinekologjisë në Qendrën Klinike Universitare.

Rasti e ka konfirmuar zëdhënësja e Policisë, Flora Ahmeti.

Ajo ka thënë se dyshimet e para çojnë tek vrasja, ndërkaq viktima është e moshës 35-vjeçare.

“Rreth orës 18:00, kemi pranuar informatën për një trup të pajetë në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35-vjeçare”.

“Mbështetur në informacionet e para, dyshimet e ngritura sugjerojnë se bëhet fjalë për vrasje. Aktualisht policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes”, ka thënë Ahmeti.

Për rastin ka reaguar edhe Shërbimi Spitalor Klinik dhe Universitar i Kosovës.

“Qendra Klinike Universitare e Kosovës konfirmon se sonte rreth orës 18:00, në oborrin e QKUK-së ka ndodhur një vdekje. Organet policore menjëherë ka dalë në vendin e ngjarjes si dhe dyshimet e para nga Policia janë se bëhet fjalë për vrasje”.

“Policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim të sqarimit të plotë të ngjarjes.
Detajet e tjera do të jepen nga organet kompetente që janë duke kryer hetimet”, thuhet në reagim.

Jo, zyrtarisht mësohet se gruaja është vrarë me armë zjarri nga ish-bashkëshorti i saj, dhe ishte në javën e 41-të të shtatëzënisë. /Telegrafi/