Gërkovska: Ligji për origjinën e pronave do të japë kontribut serioz në luftën kundër korrupsionit

Ligji për origjinën e pronës do të japë kontribut serioz në luftën kundër korrupsionit dhe krimit të organizuar, theksoi zv. kryeministrja përgjegjëse për politika për qeverisje të mirë Sllavica Gërkovska, në mbledhjen e grupit punues për Projektligjin e ri për origjinën e pronës, i cili përgatitet me mbështetjen e Delegacionit të Bashkimit Evropian dhe Këshillit të Evropës.

“Është mirë që në përgatitje janë përfshirë ekspertë nga të gjitha fushat dhe të gjithë jemi dakord që zgjidhja përfundimtare duhet të arrihet përmes një procesi gjithëpërfshirës. Është e rëndësishme që zgjidhjet në ligj të jenë të sakta, të paqarta, të mos ketë kontradiktë me zgjidhjet ligjore ekzistuese”, vlerësoi zëvendëskryeministrja Gërkovska.

Nga shërbimi qeveritar për shtyp informojnë se në mbledhje është prezantuar versioni punues i zgjidhjes ligjore, pas çka janë diskutuar të gjitha çështjet e hapura, ndërsa konsulentët e punësuar nga Këshilli i Evropës, Majkëll Hopmier dhe Lorna Haris, gjithashtu kontribuan në procesin e përgatitjes.

Grupi i punës për përgatitjen e Ligjit për origjinën e pronës koordinohet nga Këshilli i Evropës dhe Kabineti përgjegjës për politikat e qeverisjes së mirë dhe përbëhet nga përfaqësues nga Ministria e Drejtësisë, Ministria e Punëve të Brendshme, Prokuroria Publike, Prokuroria Themelore Publike për Prokuroria e Krimit të Organizuar dhe Korrupsionit, Zyra për Rimëkëmbjen e Pasurisë, Gjykata Civile, Komisioni Shtetëror për parandalimin e Korrupsionit, Drejtoria e Inteligjencës Financiare, Autoritetet e Policisë Financiare, Autoritetet e të Ardhurave Publike dhe Prokuroria e Shtetit.