Shtëpia Botuese “Dukagjini” ka fituar çmimin për përkthimin më të mirë, me librin “Varfanjaku i Zotit” i Nikos Kazanxaqisit, përkthyer nga Romeo Çollaku.
Ceremonia e ndarjes së shpërblimeve është mbajtur në Pallatin e Kongreseve, ku po vazhdon të mbahet edicioni i 25-të i Panairit më të madh të librit në hapësirën shqiptare.
Romeo Çollaku, shkrimtar dhe përkthyes nga greqishtja, frëngjishtja dhe polonishtja, i njohur për kontributin e tij të jashtëzakonshëm në fushën e letrave, është një ndër emrat më me zë të kulturës shqiptare. Duke e marrë shpërblimin, Çollaku tha se e falënderon jurinë për çmimin dhe se gëzohet shumë që çmimi i jepet një libri të botuar në Kosovë, për më tepër një libri grek të botuar në Kosovë.
“Varfanjaku i Zotit” i Nikos Kazanxaqisit, sjellë mjeshtërisht në shqip nga Çollaku, është historia e Françeskut të Asizit, shenjtorit të pashoq, që ndryshoi rrugën e të menduarit dhe të afruarit me zotin. Një rrëfim prekës, i thellë, i jashtëzakonshëm që, përmes shembullit të jetës së Françeskut, na fton të kthehemi kah shpirtërorja dhe humania.
Ky libër është libri i tetë në kolanën ANIMA, e cila përfshin veprat më eminente të letërsisë botërore, të përkthyera nga përkthyesit më të njohur shqiptarë. Me një redaksi kompetente, shtëpia botuese “Dukagjini” synon që, përmes kësaj kolane, ta rrisë vetëdijen e lexuesit për letërsinë e mirëfilltë.
Menjëherë pasi ka pranuar çmimin, Çollaku ka qëndruar te stenda e “Dukagjini”-t në Panair, për të bashkëbiseduar me lexuesit.
Kujtojmë se shtëpia botuese “Dukagjini” në vetëm një vit të rikthimit të saj kah botimi i librit artistik ka botuar tetë autorë të rëndësishëm, pjesë e kolanës së sipërpërmendur (L. Tolstoj, J. Donoso, N. Leskov, M. de Unamuno, M. Bullgakov, H. James, M. Eliade, N. Kazanxaqis etj.).
Po ashtu, me katër prej serisë prej gjashtëmbëdhjetë librash të nobelistit Hermann Hesse, autorë si T. Capote, T. Williams etj., lektyrat për fëmijë, me autorë si: R. Kipling, G. Rodari, H. Andersen etj. dhe plot të tjerë që do të vijnë në vazhdim, Shtëpia Botuese “Dukagjini” u dëshmon lexuesve se shija letrare mund të kultivohet dhe se letërsia e mirë është përherë në modë.
Në Panairin e Tiranës, “Dukagjini” ka prezantuar edhe librat “Gjej kohë” dhe “Trajneri i mentalitetit të zhvillimit”. Ndërmjet dy panaireve, kemi botuar edhe librat “Mindsight – vëzhgimi i mendjes” dhe “Pse s’ma ka thënë njeri më parë”. Ndërsa më parë edhe librin “Truri i fëmijës”, që ka vazhduar të ngjallë interesim të jashtëzakonshëm.
Në stendën e “Dukagjini”-t në Panair janë edhe titujt e kolanës “Fryma”, si: “Etika dhe pafundësia”, “Konditat e lirisë”, “Studime mbi mesjetën”, “E shkuara e një iluzioni” etj.
Panairi i Librit “Tirana 2022”, që këtë edicion u mbajt nën moton “Të gjithë jemi lexues”, mbyllet të dielën e 20 nëntorit.
Promo
Reklamo këtuLufta Prigozhin - Putin
Më shumë"Holiday In 2” ofron stilin e jetesës që ju meritoni
RIT Kosovo (A.U.K) organizon ngjarjen vjetore Gala Dinner - “Support Kosova’s Next Success Story”
Aplikimet estetike janë më të sigurta në duar me përvojë
Këto janë 7 kompanitë gjigante që vlejnë së bashku 14 trilionë dollarë – por ja sa fitojnë CEO-t e tyre
Besim Ramadani, personazh inspirues dhe shembull që duhet ndjekur
Njoftim për ish punëtorët e 10 ndërmarrjeve shoqërore
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit