Udhëheqësit botërorë hapin bisedimet për klimën në Sharm el-Sheikh të Egjiptit

Udhëheqësit botërorë u mblodhën në qytetin turistik të Egjiptit në Detin e Kuq, Sharm el-Sheikh, të hënën për samitin e klimës COP27 të OKB-së për të diskutuar mënyrat e trajtimit të ndryshimeve klimatike.

Duke iu drejtuar samitit, i cili filloi zyrtarisht të dielën, presidenti egjiptian Abdel Fattah El-Sisi u bëri thirrje liderëve botërorë të veprojnë me urgjencë për të zbatuar angazhimet e tyre.

“Nuk ka kohë për t’u rikthyer. Nuk ka vend për hezitim”, tha al-Sisi në fjalën e tij hyrëse. “Për hir të brezave të ardhshëm, këtu dhe tani ne po përballemi me një moment historik unik, një shans të fundit për të përmbushur përgjegjësitë tona”.

Al-Sisi dhe sekretari i Përgjithshëm i OKB-së, Antonio Guterres më herët të hënën mirëpritën disa liderë për të marrë pjesë në ngjarjen globale, duke përfshirë presidentin e Emirateve të Bashkuara Arabe Sheikh Mohammed bin Zayed Al-Nahyan, presidentin francez Emmanuel Macron, presidentin algjerian Abdelmajid Tebboune, presidentin bullgar Rumen Radev dhe kryeministrin britanik, Rishi Sunak.

Duke u zhvilluar nga 6 deri më 18 nëntor, samiti filloi të dielën me një fjalim të presidentit të COP26, Alok Sharma për të shënuar dorëzimin zyrtar në Egjipt.

Sipas Simon Stiell, shef i Konventës Kuadër të OKB-së për Ndryshimet Klimatike, 110 liderë dhe krerë shtetesh pritet të marrin pjesë në COP27, përveç mijëra përfaqësuesve të shoqërive civile. /AA/