Bashkë-themeluesi i Twitterit, Jack Dorsey thyen heshtjen pas blerjes së kompanisë nga Elon Musk

Bashkëthemeluesi dhe ish-CEO i Twitter, Jack Dorsey, ka folur për shkarkimet masive në ish-firmën e tij, duke kërkuar falje për rritjen e Twitterit “shumë shpejt”.

Gjysma e stafit të gjigantit të medieve sociale po pushohen nga puna, një javë pasi Elon Musk e bleu atë në një marrëveshje prej 44 miliardë dollarësh, transmeton Telegrafi.

Miliarderi Musk ka thënë se nuk kishte zgjidhje tjetër veçse të shkurtonte fuqinë punëtore të kompanisë pasi firma po humbet më shumë se 4 milionë dollarë në ditë.

Stafi i Twitter kanë shprehur zemërimin e tyre për shkarkimet.

Në një deklaratë, Dorsey – i cili u largua nga posti CEO në nëntor dhe u largua nga bordi i drejtorëve në maj – tha se stafi i Twitter “është i fortë dhe elastik. Ata gjithmonë do të gjejnë një mënyrë, pavarësisht sa i vështirë është momenti. E kuptoj se shumë janë të zemëruar me mua. Unë mbaj përgjegjësinë përse të gjithë janë në këtë situatë: Unë e rrita madhësinë e kompanisë shumë shpejt. Kërkoj falje për këtë.”

“Unë jam mirënjohës dhe i dua të gjithë ata që kanë punuar ndonjëherë në Twitter. Nuk pres që kjo të jetë e ndërsjellë në këtë moment…apo kurrë…dhe e kuptoj”, shtoi ai.

Deklarata e tij dukej se miratonte nevojën për shkarkime në firmë. 45-vjeçari Dorsey ka qenë mbështetës për blerjen e Twitterit nga Musk.

Në prill, kur Musk filloi për herë të parë blerjen e Twitter-it, Dorsey tha se 51-vjeçari ishte “zgjidhja unike të cilës i besoj” dhe se blerja nga Musk ishte “rruga e duhur…Unë e besoj me gjithë zemër”.

Dorsey krijoi Twitterin në vitin 2006 së bashku me Evan Williams, Biz Stone dhe Noah Glass.

Shkurtimet kanë hasur në fuqinë punëtore prej 7,500 personash të Twitter. /Telegrafi/