Policia në Angli publikon pamjet e një hajduti në kërkim – ai ngjason shumë me David Beckham

Një person i ngjashëm me David Beckham po ndiqet nga policia pas një vjedhjeje në një dyqan të materialeve ndërtimore.

Policia e Hertfordshire publikoi në Twitter një imazh të kamerave CCTV, të burrit që dyshohet se ka hequr sende nga një dyqan në Bishop’s Stortford, Hertfordshire, më 21 tetor.

Policia shkroi: “A e njihni këtë njeri? Ai mund të na ndihmoni me kërkesat tona pas një vjedhjeje nga dyqani i materialeve ndërtimore në #BishopsStortford”, shkruan DailyMail.

“Të premten e 21 tetorit u vodhën materiale ndërtimi nga dyqani”, thuhet në njoftim.

Një përdorues i rrjetit social Twitter iu përgjigj postimit duke thënë: “Patjetër David Beckham”.

Një pamje e ngjashme me Beckhamin u tall pa mëshirë nga shikuesit e “This Morning” në vitin 2018.

Andy Harmer drejton agjencinë e tij të ngjashme me të famshmit dhe gjithashtu shfaqet në serialin dokumentar të Channel 4, “Lookalikes”.

Por paraqitja e tij në emisionin e ditës i la shikuesit të pakënaqur, me disa që i kërkuan të linte punën e tij të përditshme sepse ai ‘nuk ngjan aspak’ me ish-kapitenin e Anglisë – duke përfshirë një që shkroi në Twitter: “Nëse ai është David Beckham, unë jam Posh”. /Telegrafi/